Mourinho ច្រានចោលព័ត៌មានពីការវិលត្រលប់របស់ Zlatan មកកាន់ Man Utd

2018-10-26 12:33:05
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាត់ការក្លឹបបិសាចក្រហម Manchester United លោក Jose Mourinho បានបដិសេធចំពោះការលើកឡើងរបស់ពាក្យចចាមអារ៉ាមមួយចំនួនដែលថា លោកមានគម្រោងចុះកុងត្រាសារជាថ្មីជាមួយកីឡាករស៊ុយអែត Zlatan Ibrahimovic ដើម្បីមកជំនួសខ្សែប្រយុទ្ធបែលហ្សិក Romelu Lukaku ដែលកំពុងធ្លាក់ទម្រង់លេង។

នៅពេលត្រូវបានឈ្លេចសួរពីចំណាប់អារម្មណ៍ចំពោះអតីតខ្សែប្រយុទ្ធ Ibrahimovic អ្នកចាត់ការសញ្ជាតិព័រទុយហ្គាល់រូបនេះបានពីរម៉ាត់យ៉ាងខ្លីថា៖ " ទេ, ទេ!!! '' ដែលបង្ហាញពីការទាត់ចោលពាក្យលេចឮអំពីការវិលត្រលប់របស់កីឡាករវ័យ ៣៧ឆ្នាំ មកក្លឹបបិសាចក្រហម។

សូមបញ្ជាក់ផងដែរថា ខ្សែប្រយុទ្ធរូបនេះ កំពុងតែបង្ហាញទម្រង់លេងយ៉ាងល្អឲ្យក្លឹបនៃលីគកំពូលសហរដ្ឋអាមេរិក MLS ក្លឹប L.A Galaxy ដោយរូបគេបានស៊ុតចូល ២២គ្រាប់ និង Assist ៧លើកក្នុងការបង្ហាញខ្លួន ២៦ដង។

ក្នុងរយៈពេល២ឆ្នាំ ដែលរួមរស់ជាមួយក្លឹបនៅលីគកំពូលអង់គ្លេស Manchester United វិញកីឡាកររូបនេះបានជួយឲ្យក្លឹបឈ្នះពាន Europa League និង EFL(League Cup) នៅឆ្នាំ២០១៧។ នៅគ្រានោះដែរ Zlatan បានរកគ្រាប់បាល់បាន ២៩គ្រាប់ ក្នុងការបង្ហាញខ្លួន ៥៣ដង៕