iPhone XS ថ្លៃជាង XR មែន តែមានចំណុចខុសគ្នាច្រើនណាស់

2018-11-01 00:41:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Apple បានបញ្ចេញបីម៉ូដែល iPhone XS, XS Max និង XR ខណៈតម្លៃជាងមួយពាន់ដុល្លារ។ ចំណុចដែលពិបាកនោះគឺ គួរជ្រើសរើសមួយណា។ នេះចំណុចពិសេសៗ XS លេចធ្លោជាង XR។

១) iPhone XS មានជម្រើសអេក្រង់ទំហំធំជាង XR

អេក្រង់ XR មានតែទំហំ 6.1អ៊ីង ខណៈ XS មានជម្រើស 5.8អ៊ីង ឬ Max ទំហំ 6.5អ៊ីង។

២) អេក្រង់ iPhone XS មើលទៅត្រជាក់ភ្នែកជាង XR

XS មានប្រភេទអេក្រង់ Super Retina OLED ខណៈ XR មាន Liquid Crystal LCD។ អេក្រង់ OLED ភ្លឺ បង្ហាញពណ៌ត្រឹមត្រូវ ជាងអេក្រង់ LCD ដូចជាពណ៌ខ្មៅ បង្ហាញមកខ្មៅក្រឹបតែម្តងលើ XS ដែលធ្វើឲ្យរូបភាពបង្ហាញមកត្រជាក់ភ្នែក។

XR មានអេក្រង់ LCD ល្អបំផុតក្នុងស្មាតហ្វូន ប៉ុន្តែនៅមិនដល់អេក្រង់ XS ឡើយ។

៣) iPhone XR មានច្រើនពណ៌ ប៉ុន្តែបើចង់បានពណ៌មាស ឬទឹកប្រាក់ មានជម្រើសពី XS

XR មានពណ៌ ក្រហម ខៀវ លឿង ខ្មៅ សរ និង Coral (ផ្កាឈូកលាយទឹកក្រូច)។ XS មានពណ៌ខ្មៅ ទឹកប្រាក់ និងមាស។

៤) iPhone XR ធ្ងន់ជាង XS បន្តិច

XR មានទម្ងន់ ១៩៤ ក្រាម ខណៈ XS មានទម្ងន់ ១៧៧ ក្រាម ថ្វីបើខុសគ្នាតិចតួច ប៉ុន្តែការកាន់ប្រើប្រចាំថ្ងៃនឹងមានអារម្មណ៍ខុសគ្នា។ XR ស្រាលជាងម៉ូដែល XS Max ដែលមានទម្ងន់ ២០៨ ក្រាម។

៥) iPhone XR មិនមានប្រព័ន្ធកាមេរ៉ាពីរដូចនឹង XS ហើយក៏មិនអាចពង្រីកបានល្អដែរ

XR មិនអាចពង្រីកប្រភេទ Optical Zoom បានត្រឹម Digital Zoom ប៉ុណ្ណោះ ដោយសារកង្វះកាមេរ៉ាទីពីរ Telephoto lens ដែលមានលើម៉ូដែល XS។

Optical Zoom អាចពង្រីកទិដ្ឋភាព ដោយមិនបាត់បង់គុណភាពរូបភាព ខណៈ Digital Zoom ភាគច្រើនបង្ហាញចេញព្រាល។

XR អាចពង្រីកប្រភេទ Digital Zoom បានត្រឹម 5X សម្រាប់រូបភាព និង 3X សម្រាប់វីដេអូ ខណៈ XS អាចពង្រីកប្រភេទ Digital Zoom បានដល់ទៅ 10X សម្រាប់រូបភាព និង 6X សម្រាប់វីដេអូ បូកផ្សំទាំង Optical Zoom 2X ផងដែរ។

៦) ទំហំ Storage ធំបំផុត iPhone XR ផ្តល់ឲ្យគឺ 256GB ខណៈ XS មានដល់ 512GB

មានកន្លែងទំនេរច្រើនដាក់រូបភាព វីដេអូ ហ្គេម ឬកម្មវិធីនានា។

៧) កម្រិតការពារជម្រាបទឹក iPhone XR ទាបជាង XS

XS មានកម្រិតការពារជម្រាបទឹក IP68 អាចត្រាំទឹកជម្រៅ ២ ម៉ែត្រ រយៈពេល ៣០នាទី ខណៈ XR មានកម្រិតការពារជម្រាបទឹក IP67 អាចត្រាំទឹកជម្រៅ ១ ម៉ែត្រ រយៈពេល ៣០ នាទី។

៨) iPhone XR មិនអាចប្រើ 3D Touch ដូចនឹង XS នោះទេ

ចុចសង្កត់លើអេក្រង់ បង្ហាញជម្រើសប្រើប្រាស់ក្នុងកម្មវិធីនានា អាចប្រើបានតែលើ XS ប៉ុណ្ណោះ។ ត្បិតថា Apple បានផលិតជំនាន់ 3D Touch លើ XR ប៉ុន្តែមិនផ្តល់បទពិសោធន៍ល្អដូចលើ XS ឡើយ។

៩) iPhone XR មិន Support ចំពោះការប្រើ Gigabit-class LTE ដូច XS ឡើយ

XR អាចប្រើ LTE Advanced ទៅតាមតំបន់ក្រុមហ៊ុនទូរសព្ទផ្តល់ឲ្យ។ LTE Advanced ផ្តល់ល្បឿន 4G ឬ 100 Megabits ក្នុងមួយវិនាទី។ XS អាចប្រើ Gigabit-class LTE អាចផ្តល់ល្បឿន 1 Gigabit ក្នុងមួយវិនាទី ឬ ល្បឿន ១០ ដងនឹង LTE Advanced៕