មិនទាន់ដល់ថ្ងៃចេញផ្លូវការផង អាល់ប៊ុមរបស់ EXO មានអ្នកកុម្ម៉ង់ទិញចំនួនច្រើនមិនធម្មតា
- 2018-10-31 04:04:28
- ចំនួនមតិ 0 | ចំនួនចែករំលែក 0
មិនទាន់ដល់ថ្ងៃចេញផ្លូវការផង អាល់ប៊ុមរបស់ EXO មានអ្នកកុម្ម៉ង់ទិញចំនួនច្រើនមិនធម្មតា
ចន្លោះមិនឃើញ
នៅថ្ងៃទី ៣១ ខែតុលា ពោលគឺមុន ២ថ្ងៃនៃការមកវិញរបស់ EXO ក៏ស្រាប់តែមានសេចក្ដីរាយការណ៍មកថា ចំនួនអ្នកកុម្ម៉ង់ទិញអាល់ប៊ុមរបស់ក្រុមចម្រៀង "Don't Mess Up My Tempo” កើនឡើងដល់ ១,១លានឯណោះ។
ចំនួនដ៏ច្រើនសន្ធឹកនេះ សុទ្ធសឹងជាការកុម្ម៉ង់ពីសំណាក់អ្នកគាំទ្រជាច្រើននៅជុំវិញពិភពលោក ជាហេតុធ្វើឲ្យ ក្រុមចម្រៀងដ៏ល្បីរបស់ SM អាចបំបែកកំណត់ត្រាចាស់ ដោយអាល់ប៊ុមមានការគាំទ្រខ្លាំង ទាំងមិនទាន់ចេញរូបរាងផ្លូវការផង។ អ្វីដែលកាន់តែគួរឲ្យភ្ញាក់ផ្អើល នេះគឺជាលើកទី ៥ហើយដែល EXO បំបែកកំណត់ត្រាអស្ចារ្យ ដោយអាល់ប៊ុមមានអ្នកកុម្ម៉ង់ទិញដល់ទៅខ្ទង់លាន មុនចេញជាផ្លូវការ។
បើតាមការប្រកាស បានឲ្យដឹងថាអាល់ប៊ុមទី ៥ដែលមានឈ្មោះថា "Don't Mess Up My Tempo” នឹងចេញជាផ្លូវការនៅថ្ងៃទី ០២ ខែវិច្ឆិកា។ ក្នុងនោះក៏មានការបញ្ជាក់ដែរថា EXO នឹងចាប់ផ្ដើមផ្សព្វផ្សាយស្នាដៃថ្មីនេះ នៅកម្មវិធី Music Bank របស់ទូរទស្សន៍ KBS៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
