ដឹងទេ Solari ជាគ្រូទីប៉ុន្មានដែល Real យកឡើងពីឈុត B មកកាន់ឈុតធំ?
- 2018-10-31 04:16:24
- ចំនួនមតិ 0 | ចំនួនចែករំលែក 0
ដឹងទេ Solari ជាគ្រូទីប៉ុន្មានដែល Real យកឡើងពីឈុត B មកកាន់ឈុតធំ?
ចន្លោះមិនឃើញ
បន្ទាប់ពីបណ្ដេញលោក Julen Lopetegui ចេញពីតំណែង Real Madrid បានតែងតាំងលោក Santiago Solari ដែលជាគ្រូរបស់ Real Madrid ឈុត B ឲ្យឡើងមកធ្វើជាគ្រូបង្គោលបណ្ដោះអាសន្ន។
លើកចុងក្រោយដែល Madrid ប្រើយុទ្ធសាស្ត្រហៅគ្រូយុវជនមកកាន់ឈុតធំគឺជំនាន់ Zinedine Zida ដោយកាលនោះលោកបានជួយក្លឹបឈ្នះ Champions League ៣រដូវកាលជាប់គ្នា។ នៅមានអ្នកចាត់ការជាច្រើនទៀតដូចជា Vicente del Bosque Mariano Garcia Remon, Rafael Benitez និង Julen Lopetegui សុទ្ធតែធ្លាប់ដឹកនាំ Real Madrid ឈុត B ហើយបានផ្លាស់ទៅក្លឹបផ្សេងៗ មុនត្រលប់មកកាន់ Real Madrid ឈុតធំ។
យ៉ាងណាមិញ សម្រាប់អ្នកចាត់ការកំពុងកាន់ Real Madrid ឈុត B ហើយត្រូវក្លឹបប្រកាសឲ្យមកកាន់ឈុតធំៗភ្លាមៗមានតែ៥រូបប៉ុណ្ណោះដូចជា៖
១. Miguel Muñoz
លោកធ្លាប់ជាកីឡាកររបស់ Real Madrid អស់១០រដូវកាល។ ក្នុងឆ្នាំ១៩៦០ Miguel សញ្ជាតិអេស្ប៉ាញបានក្លាយជាគ្រូបង្វឹករបស់យុវជន Madrid ដែលកំពុងលេងនៅលីគទី២។ បន្ទាន់មកក៏បានឡើងជាគ្រូក្នុងឈុតធំនៅឆ្នាំ១៩៦០ដដែល ជំនួសកន្លែងលោក Sebastian Fleitas។ សមិទ្ធផលលោកជួយក្លឹបពីឆ្នាំ១៩៦០-១៩៧៤ ឈ្នះ Intercontinental Cup ម្ដង, European Cups ២ដង, LaLiga Santander ២ដង និង Copa del Rey ២ដង។ Miguel Muñoz ទទួលមរណភាពនៅឆ្នាំ១៩៩០។
២. Amancio
Amancio ជនជាតិអេស្ប៉ាញធ្លាប់ជាអតីតកីឡាកររបស់ Real Madrid អំឡុងឆ្នាំ១៩៦២ដល់១៩៧៦ ដោយបង្ហាញខ្លួនក្នុងលីគបាន៣៤៤ប្រកួត ទាត់បញ្ចូលទី១១៩គ្រាប់។ ១៩៨២ លោកត្រូវបានតែងតាំងធ្វើជាគ្រូ Madrid ឈុត B មុនពេលឡើងជាគ្រូឈុតធំនៅឆ្នាំ១៩៨៤។ យ៉ាងណាមិញលោកដឹកនាំបានតែមួយរដូវកាលប៉ុណ្ណោះ និងមិនទទួលបានពានអ្វីឡើយ។
៣. López Caro
ទោះមិនដែលជាកីឡាករអាជីព តែលោក López Caro ធ្លាប់ដឹកនាំក្លឹបជាច្រើនមុនមកកាន់ Real Madri B នៅឆ្នាំ២០០១។ ៤ឆ្នាំបន្ទាប់អ្នកចាត់ការសញ្ជាតិអេស្ប៉ាញត្រូវបានលើកឲ្យធ្វើជាគ្រូឈុតធំ។ ដឹកនាំបានមួយរដូវកាល López ក៏ចាកចេញពីក្លឹបបន្សល់ស្នាដៃជួយ Real ឈរលេខពីរតារាងពិន្ទុ La Liga គម្លាត១២ពិន្ទុពីគូប្រជែង Barcelona។
៤. Zidane
២០១៤ តែងតាំងជាគ្រូយុវជនរបស់ Real ហើយ២ឆ្នាំក្រោយមកក៏ឡើងមកកាន់ក្រុមធំ ជំនួសកន្លែងរបស់លោក Rafael Benitez។ ត្បិតកាន់ក្លឹបបានតែ២ឆ្នាំកន្លះ តែបុរសសញ្ជាតិបារាំងនាំក្លឹបឈ្នះពានជាច្រើនដូចជា Champions League ៣ដង, La Liga ម្ដង, Club World Cups ២ដង, European Super Cups ២ដង និង Supercopa de Espana ម្ដង។
៥.Solari
បុរសសញ្ជាតិអាហ្សង់ទីនមកកាន់យុវជន Real Madrid នៅឆ្នាំ២០១៣ រហូតដល់ឆ្នាំ២០១៨ទើបបានឡើងជាគ្រូបង្គោលបណ្ដោះអាសន្នក្នុងឈុតធំ៕