កុំភ្លេចស្អែកនេះ iPhone ចេញលក់ជាផ្លូវការ!! នេះព័ត៌មានគួរដឹង សម្រាប់អ្នកកាន់លុយទៅទិញ

2018-11-01 03:54:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្អែកនេះមានព្រឹត្តិការណ៍ធំ ដែល Apple នឹងចាប់ផ្តើមបញ្ចេញលក់ទូរសព្ទម៉ូដេលចុងក្រោយជាផ្លូវការក្នុងប្រទេសកម្ពុជា។ តើអ្នកដឹងអីខ្លះ មុនវានឹងចេញលក់ជាផ្លូវការនៅខានស្អែកនេះ?

ក្រុមហ៊ុននិងដៃគូចែកចាយផ្លូវការ៖

Smart ជាប្រតិបត្តិករទូរសព្ទចល័ត ជាដៃគូផ្ដាច់មុខរបស់ក្រុមហ៊ុន Apple ក្នុងការនាំ iPhone មកលក់ក្នុងទីផ្សារ* កម្ពុជា។
Falcon ទើបតែបានប្រកាសជាដៃគូថ្មីមួយទៀត ដែលទទួលសិទ្ធិលក់ផលិតផល Apple នៅក្នុងទីផ្សារកម្ពុជា។
iOne ក៏ជាដៃគូរបស់ Apple ដែលមានលក់ផលិតផល Apple ជាច្រើន ហើយ iOne បាននាំមកលក់ iPhone ជាច្រើនជំនាន់។

ទូរសព្ទម៉ូដែល ណាខ្លះនាំមកលក់៖

iPhone ជំនាន់ក្រោយ ដែលមកដល់ជាផ្លូវការមានបីម៉ូដែលគឺ iPhone XR, iPhone XS និង iPhone XS Max។

មានជម្រើសស៊ីម៖ ជាជំនាន់ទីមួយហើយ ដែលក្រុមហ៊ុនយក្សមួយបានផលិតស្មាហ្វូនដែលអាចប្រើប្រាស់ស៊ីមពីរបានសម្រាប់ iPhone XR និង iPhone XS Max។

ជម្រើសពណ៌៖ iPhone XR មានជម្រើសពណ៌ប្រាំមួយគឺ ពណ៌ស ពណ៌លឿង ទឹកក្រូច ខ្មៅ ខៀវ និងពណ៌ក្រហម ចំណែក iPhone XS និង XS Max វិញមានបីជម្រើសពណ៌គឺ ពណ៌ទឹកមាស ខ្មៅ និងពណ៌ស។

តម្លៃផ្លូវការពីក្រុមហ៊ុន Smart

iPhone XR

iPhone XR ទំហំ 64GBមានតម្លៃ ៩៤៨ ដុល្លារ។
iPhone XR ទំហំ 128GBមានតម្លៃ ១ ០០៨ ដុល្លារ។
iPhone XR ទំហំ 256GBមានតម្លៃ ១ ១២៨ ដុល្លារ។

iPhone XS

iPhone XS ទំហំ 64GB មានតម្លៃ ១ ២៤៨ ដុល្លារ។
iPhone XS ទំហំ 256GB មានតម្លៃ ១ ៤២៨ ដុល្លារ។
iPhone XS ទំហំ 512GB មានតម្លៃ ១ ៦៥៨ ដុល្លារ។

iPhone XS Max

iPhone XS Max ទំហំ 64GB មានតម្លៃ ១ ៣៦៨ ដុល្លារ។
iPhone XS Max ទំហំ 256GB មានតម្លៃ ១ ៥៤៨ ដុល្លារ។
iPhone XS Maxទំហំ 512GB មានតម្លៃ ១ ៧៨៨ដុល្លារ។

តម្លៃផ្លូវការពីក្រុមហ៊ុន iOne

iPhone XR

iPhone XR ទំហំ 64GBមានតម្លៃ ៩៥៩ ដុល្លារ។
iPhone XR ទំហំ 128GBមានតម្លៃ ១ ០១៩ ដុល្លារ។
iPhone XR ទំហំ 256GBមានតម្លៃ ១ ១៣៩ ដុល្លារ។

iPhone XS

iPhone XS ទំហំ 64GB មានតម្លៃ ១ ២៥៩ ដុល្លារ។
iPhone XS ទំហំ 256GB មានតម្លៃ ១ ៤៣៩ ដុល្លារ។
iPhone XS ទំហំ 512GB មានតម្លៃ ១ ៦៦៩ ដុល្លារ។

iPhone XS Max

iPhone XS Max ទំហំ 64GB មានតម្លៃ ១ ៣៧៩ ដុល្លារ។
iPhone XS Max ទំហំ 256GB មានតម្លៃ ១ ៥៥៩ ដុល្លារ។
iPhone XS Maxទំហំ 512GB មានតម្លៃ ១ ៧៩៩ ដុល្លារ។

**ការផ្តល់ជូនកាដូបន្ថែម៖

ទាំងក្រុមហ៊ុន Smart និង iOne សុទ្ធតែបានផ្តល់កាដូបន្ថែមសម្រាប់អតិថិជន។

ក្រុមហ៊ុន iOne បានផ្តល់កាដូបន្ថែម ក្នុងនោះរួមមាន៖ ស្រោមការពារទូរសព្ទ, ស្គ្រីនការពារអេក្រង់, “Power Bank”, ឆ្នាំងសាកឥតខ្សែ “Wireless Charger” រួមទាំង AirPods, កាស Beats X និង Speaker សម្រាប់អតិថិជនដែលបានកក់មុន និងមកទិញនៅថ្ងៃបើកសម្ពោធ។

ចំណែកក្រុមហ៊ុន Smart វិញ ក៏មានកាដូដូចគ្នាសម្រាប់អ្នកគាំទ្រ មានដូចជាការផ្តល់ជូន AirPods ឬ Beats X, លេខស៊ីមពិសេស និងរង្វាន់ជាច្រើនទៀត។

ចំពោះព័ត៌មានបន្ថែម Sabay នឹងផ្សាយជូននៅថ្ងៃស្អែក៕