កុំភ័យថាឈរក្រោយគេមើលមិនឃើញ ស្ដាប់អត់ឮច្បាស់ Concert យប់នេះ មានសម្ភារៈគ្រប់មួយកំផ្លេ

2018-11-02 03:02:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីបំផុត ការទន្ទឹងរង់ចាំថ្ងៃប្រគំតន្ត្រី Smart Mega Concert របស់អ្នកគាំទ្របានឈានមកដល់មែនទែនហើយ ពោលគឺនៅយប់ថ្ងៃ សុក្រ នេះតែម្ដង។ ការប្រគំតន្ត្រីលើកនេះ នឹងមិនធ្វើឲ្យប្រិយមិត្តខកបំណងឡើយ ព្រោះមានការរៀបចំឆាក និងទីតាំងទស្សនាកាន់តែទូលាយ និងងាយស្រួលក្នុងការចូលទស្សនាជាងមុន។

ហេតុអ្វីបានជាថាងាយទស្សនាជាងមុនទោះឈរនៅក្រោយក៏ដោយ? ព្រោះពេលនេះក្រុមការងារបានដំឡើងរួចជាស្រេចនូវទូរទស្សន៍ 4K LED ៣ ធំៗក្នុងបរិវេណ Green zone និង 6K LED ចំនួន២នៅបរិវេណ Premium zone។ ក្រៅពីនោះ នៅសង្ខាងនៃឆាកប្រគំតន្ត្រីក៏មានភ្លើង LED ២ គ្រាប់ធំៗទល់មុខគ្នា ដើម្បីបំភ្លឺសោភ័ណភាពឆាក និងទីតាំងទស្សនាផងដែរ។

ពិសេសសម្រាប់អ្នកមានសំបុត្រ Premium ព្រោះអ្នកនឹងមិនពិបាកប្រជ្រៀតចូលមើលឡើយ ដោយកម្មវិធីមានទ្វារសម្រាប់ចូលទស្សនាដល់ទៅ ២ ច្រក ដើម្បីសម្រួលដល់ការចេញចូល។ ក្រៅពីនោះ អ្នកនឹងទទួលបានតែបៃតង Fuze Tea និងស្រាបៀរអង្គរញ៉ាំដោយឥតគិតថ្លៃ។

ក្នុង Zone ទាំង២នោះ ក៏មានបន្ទប់ទឹកជាច្រើនសម្រាប់ឲ្យអ្នកគាំទ្រសម្រួលឥរិយាបថផងដែរ។ ដូច្នេះអ្នកមិនពិបាករត់ទៅឆ្ងាយដើម្បីតម្រង់ជួរចូលបន្ទប់ទឹកទៀតឡើយ។

ច្រកចូលកម្មវិធីនឹងចាប់ផ្ដើមបើកនៅម៉ោង ៥ ល្ងាចនេះហើយ។ ដូច្នេះបើចង់ចាប់បានកន្លែងមុខគេ ងាយមើល Idol បានច្បាស់ កុំភ្លេចទៅឲ្យបានមុនណា៎!

មិនទាន់យឺតពេលឡើយសម្រាប់អ្នកគ្មានសំបុត្រ ព្រោះនៅទីតាំងកម្មវិធីផ្ទាល់ នៅតែបន្តផ្ដល់សំបុត្រឥតគិតថ្លៃក្នុងលក្ខខណ្ឌដូចជា៖

បញ្ចូលទឹកប្រាក់ ១០ ដុល្លារ សម្រាប់ Premium Package ហើយបានមកវិញដូចជា សំបុត្រ Premium Pass ១ អាវយឺត ១ បណ្ដោងសោរ ១ Wristband១ កាបូបស្ពាយ ១ និង Glow stick ១។
បញ្ចូលទឹកប្រាក់ ២ដុល្លារ សម្រាប់ Green Package ដើម្បីទទួលបាន សំបុត្រ Green Pass ២ អាវយឺត ១ និងកាបូបស្ពាយ ១។

បើចង់បានសំបុត្របន្ថែម អ្នកអាចធ្វើតាមលក្ខខណ្ឌដដែលជាថ្មីម្ដងទៀត តែសូមបញ្ជាក់ថា ម្នាក់អាចប្រើប្រាស់ឱកាសនេះបានតែ២ដងប៉ុណ្ណោះ៕