មូលហេតុដែល Eden Hazard មិនព្រមចុះកុងត្រាថ្មីនៅ Chelsea

2018-11-04 02:58:05
ចំនួនមតិ 0 | ចំនួនចែករំលែក 0

ចន្លោះមិនឃើញ

Eden Hazard កំពុងតែរង់ចាំសញ្ញាពីក្លឹប Real Madrid មុនពេលសម្រេចចិត្តលើអនាគតនៅ Stamford Bridge ។

តារាឆ្នើមសញ្ជាតិបែលហ្ស៊ិកចង់ចូលរួមជាមួយ Real Madrid បន្ទាប់ពីការប្រកួត World Cup ចប់នៅរុស្ស៊ី និង បានសារភាពនៅក្នុងបទសម្ភាសន៍តាំងពីពេលនោះមកថា ការផ្ទេរទៅកាន់ Bernabeu គឺជាក្តីសុបិនខ្លួន។

ទោះបីជាយ៉ាងណាក៏ដោយ Hazard ដឹងគុណជានិច្ចចំពោះក្រុមតោខៀវសម្រាប់គ្រប់យ៉ាងដែលChelsea បានធ្វើសម្រាប់កីឡាករវ័យ២៧ឆ្នាំរូបនេះ ចាប់តាំងពីការផ្លាស់ពីក្រុម Lille កាលពី ៦ ឆ្នាំមុន ហើយបច្ចុប្បន្ន Hazard កំពុងស្រលាញ់ទម្រង់សម្រុករបស់លោក Maurizio Sarri ។

Hazard នៅសល់កិច្ចសន្យាមិនដល់២ឆ្នាំផងជាមួយ Chelsea។ ក្លឹបតោខៀវត្រូវធ្វើការសម្រេចចិត្តមុនបញ្ចប់រដូវកាល ដូចដែលក្លឹបក៏មិនចង់ឲ្យ Hazard ចេញទៅ free ដែរបន្ទាប់ចប់កុងត្រានៅឆ្នាំ ២០២០។

យោងតាមសារព័ត៌មាន Telegraph បានឱ្យដឹងថាក្លឹបតោខៀវ Chelsea កំពុងត្រៀមរៀបចំធ្វើឲ្យ Hazard ក្លាយជាកីឡាករដែលមានប្រាក់ខែខ្ពស់បំផុតនៅក្នុងប្រវត្តិសាស្រ្តរបស់ក្លឹប ប៉ុន្តែកីឡាករវ័យ ២៧ ឆ្នាំរូបនេះកំពុងរង់ចាំព័ត៌មានពីក្លឹប Real Madrid មុនពេលធ្វើការសម្រេចចិត្តសារជាថ្មី៕

ប្រភព៖ Metro ប្រែសម្រួល៖ សុខ លាងហ៊ត