ស្មាតហ្វូន Oppo ប្រមាណ ១០០ លានគ្រឿងមានប្រើបច្ចេកវិទ្យាសាកថ្មរហ័ស VOOC

2018-11-08 12:37:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនយក្សប្រទេសចិន Oppo បានប្រារព្ធឡើងនូវព្រឹត្តិការណ៍ Super VOOC Flash Charge Day ក្នុងទីក្រុងសៀងហៃ ដើម្បីអបអរដល់ស្មាតហ្វូនប្រមាណ ១០០ លានគ្រឿងរបស់ខ្លួនមានប្រើបច្ចេកវិទ្យាសាកថ្មរហ័ស VOOC។

អនុប្រធានជាន់ខ្ពស់របស់ Oppo លោក Shen Yiren ទទួលបន្ទុកលើផ្នែក Domestic Business បានបញ្ជាក់ថាស្តង់ដារថ្មីមួយនេះបានផ្លាស់ទម្លាប់អតិថិជនដោយការដែលត្រូវសាកឧបករណ៍មួយយប់ពេញ កាត់មកសល់ត្រឹមរយៈពេលខ្លីនាព្រឹកព្រលឹមវិញ។

ក្នុងកិច្ចបង្ហាញពីកំណត់ត្រាដ៏ធំរបស់ខ្លួន Oppo ក៏បានណែនាំនូវតួអង្គ Pikachu ជាឯកអគ្គរដ្ឋទូតនៃផលិតផលថ្មីរបស់ខ្លួន ដោយមានតាំងពីស្រោមការពារ Oppo R17 Pro, រូបភាព Sticker, NFC Sticker និងថ្មជំនួយថាមពលផ្ទុក ១០ ០០០mAh មានកម្លាំង 5V/10A។ សម្រាប់ Power Bank ជំនាន់ពិសេសនេះក៏នឹងមានលក់ក្នុងតម្លៃ ៦០ ដុល្លារ លើគេហទំព័រផ្លូវការក្នុងពេលឆាប់ៗខាងមុខ។