នេះតម្លៃស្មាតហ្វូនមើលធ្លុះដល់គ្រឿងក្នុង Xiaomi MI 8 Lite

នេះតម្លៃស្មាតហ្វូនមើលធ្លុះដល់គ្រឿងក្នុង Xiaomi MI 8 Lite | Pro

2018-11-12 09:33:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ ក្រុមហ៊ុន Xiaomi បានប្រកាសចេញស្មាតហ្វូន ស្មាតហ្វូន Mi 8 Lite និង Mi 8 Pro បំពាក់នូវបច្ចេកវិទ្យាកញ្ចក់ប្រភេទថ្មីដែលមានពណ៌ឆ្លុះដូចកញ្ចក់ជាផ្លូវការ ព្រមទាំងបង្ហាញតម្លៃយ៉ាងច្បាស់ៗទៀតផង។

Mi 8 Lite

Mi 8 Lite មានជម្រើស ២ ពណ៌គឺ ពណ៌ខៀវនិងពណ៌ខ្មៅដោយមានជម្រើស៖ - Mi 8 Lite (RAM4GB មេម៉ូរី64GB) តម្លៃ ២៥៩ដុល្លារ - Mi 8 Lite (RAM6GB មេម៉ូរី128GB) តម្លៃ ២៩៩ដុល្លារ

សម្រាប់ Mi 8 Pro មានតែមួយពណ៌គត់គឺ ពណ៌ខ្មៅលាយប្រាក់ និងមានតែមួយពណ៌(មួយជម្រើស) ប៉ុណ្ណោះគឺ RAM8GB មេម៉ូរី 128GB តម្លៃ ៥៩៩ដុល្លារ។

ដោយឡែកស្មាតហ្វូន Mi 8 Lite និង Mi 8 Pro ទាំងពីរម៉ូឌែលនេះនឹងដាក់លក់ផ្លូវការ នៅថ្ងៃទី ១០ ខែវិច្ឆិកា ខាងមុខនេះ។

លោក Jonh Chen ជានាយកក្រុមហ៊ុន Xiaomi ប្រចាំនៅតំបន់អាស៊ីអាគ្នេយ៍ បានឲ្យដឹងថា៖ ក្រុមហ៊ុន Xiaomi បាននាំចេញស្មាតហ្វូនច្រើនជាង ១០០លានគ្រឿងនៅក្នុងឆ្នាំនេះ ដោយឡែកស៊េរីស្មាតហ្វូន Mi 8 បាននាំចេញសរុបលើសពី ៦ លានគ្រឿង ដែលជាការចូលរួមចំណែកយ៉ាងធំធេងនៅក្នុងភាពជោគជ័យនេះ។

លោក Jonh Chen

នាយកក្រុមហ៊ុន Xiaomi ដដែលបានបន្ថែមថា "យើងមានក្តីរំភើបដែលនាំយកស្មាតហ្វូនស៊េរីទំនើបនេះមកប្រទេសកម្ពុជា មុនពេលថ្ងៃបុណ្យ Christmas ឈានចូលមកដល់ ជាមួយពណ៌ដ៏ស្រស់ស្អាត និងការថតរូបដ៏មានថាមពលរបស់ខ្លួន ស្មាតហ្វូនស៊េរីនេះ គឺជាដៃគូដ៏សាកសមសម្រាប់ការអបអរសាទរផ្សេងៗនៅក្នុងរដូវកាលនេះ។

#លក្ខណៈសម្បត្តិរបស់ Mi 8 Lite សម្រាប់ការលេងហ្គេម និងការថតរូបដ៏អស្ចារ្យ

បំពាក់មកជាមួយកាមេរ៉ាទំហំ ២៤ មេហ្គាភិចសែល ឯសេនសឺរខាងមុខគឺ Sony IMX576 ដែលបំពាក់លើ Mi 8 Lite អាចចាប់យករូបភាពបានច្បាស់បំផុតដែលមិនធ្លាប់មានពីមុន។

នៅក្នុងស្ថានភាពពន្លឺខ្សោយសេនសឺរ និងប្រើនូវបច្ចេកវិទ្យា Super Pixel ដើម្បីចាប់ច្របាច់នូវព័ត៌មាននៃ pixel 4 ឲ្យក្លាយទៅជា pixel ធំមួយ ធ្វើឲ្យរូបភាពកាន់តែច្បាស់ ជាពិសេសនៅទីតាំងក្នុងអគារ។

ចំណែកឯទូរសព្ទ Mi 8 វិញនៅខាងក្រោយបានបំពាក់មកជាមួយកាមេរ៉ាភ្លោះដែលប្រើបច្ចេកវិទ្យា AI និងប្រើ Sony IMX363 ជាសេនសឺរចំបងរបស់ខ្លួន។ ជាងនេះទៅទៀត វាបានភ្ជាប់មកជាមួយ pixel ទំហំធំដល់ទៅ 1.4µm សម្រាប់ចាប់រូបភាពជាមួយសម្លេងតិច និងប្រើនូវមុខងារ Dual Pixel Autofocus ដើម្បីចាប់យកគោលដៅរូបភាពបានលឿន ដែលមិនធ្វើឲ្យអ្នកខកខានក្នុងការចាប់យករូបភាពដែលអ្នកពេញចិត្ត។

Hardware កាមេរ៉ាដែលមានគុណភាពខ្ពស់គឺជាគូរទៅនិងមុខងារ AI ដែលជាបច្ចេកវិទ្យាឈានមុខគេរបស់ក្រុមហ៊ុន Xiaomi ហើយរួមផ្សំទៅនឹងជម្រើសថ្មីដែលបានកែច្នៃដើម្បីសម្រេចបាននូវការរចនាដ៏ស៊ីវីល័យ។

ទន្ទឹមនឹងនេះ អេក្រង់របស់ទូរសព្ទ Mi 8 Lite អាចបញ្ចេញនូវពណ៌ផ្សេងៗដែលស៊ីទៅនឹងស្ថានភាពនានានៅពេលថតរូប selfies ដោយចាំងបំភ្លឺមុខជាមួយនឹងពណ៌ដែលត្រូវគ្នាយ៉ាងឆ្លាតវៃ ដើម្បីធ្វើឲ្យការថតរូប selfies កាន់តែស្រស់ស្អាត។

Mi 8 Lite បានប្រើប្រាស់នូវបន្ទះឈីប SnapdragonTM 660 SoC របស់ Qualcomm® ជាមួយ Artificial Intelligence Engine (AIE) ដ៏មានថាមពលរបស់ Qualcomm®។

Mi 8 Lite ក៏បានប្រើនូវមុខងារសម្លេង Mi Sound ថ្មីជាមួយនឹងការ upgrade ប្រព័ន្ធ DSP (digital signal processing) ដើម្បីធ្វើឲ្យសម្លេងកាន់តែល្អប្រសើរ។

#លក្ខណៈសម្បត្តិ Mi 8 Pro បន្ថែមនូវមុខងារ futuristic pressure-sensitive សម្រាប់ដោះសោរអេក្រង់ដោយស្កេនស្នាមម្រាមដៃ

Mi 8 Pro បានបោះជំហានទៅមុខមួយកម្រិតទៀត ដោយបានបន្ថែមនូវមុខងារ futuristic pressure-sensitive សម្រាប់បោះសោរអេក្រង់ដោយស្កេនម្រាមដៃ។

វាមានលក្ខណៈខុសពីបច្ចេកវិទ្យាដោះសោរអេក្រង់ដោយស្កេនម្រាមដៃដទៃទៀត ដែលត្រូវចំណាយថាមពលដោយផ្តិតម្រាមដៃទៅនឹងកញ្ចក់ឲ្យជាប់ ដើម្បីមើលថា ថាតើម្រាមដៃបានស្កេនជាប់ឬនៅ?

ប៉ុន្តែសម្រាប់ pressure sensor វិញគឺដោយគ្រាន់តែចុចបើកដំណើរការនៃមុខងារនោះ ហើយដាក់ម្រាមដៃលើអេក្រង់ វាគឺដំណើរការយ៉ាងលឿន និងកាត់បន្ថយថាមពលទៀតផង។

ក្រុមហ៊ុន Xiaomi បច្ចុប្បន្នគឺជាក្រុមហ៊ុនម៉ាកសញ្ញាស្មាតហ្វូនធំជាងគេលំដាប់ថ្នាក់លេខ ៤ លើពិភពលោក ហើយបានបង្កើតនូវ loT platform អ្នកប្រើប្រាស់ធំជាងគេលើពិភពលោក ជាមួយនឹងឧបករណ៍ឆ្លាតវៃ (smart devices) ច្រើនជាង ១០០ លាន គ្រឿង (ដោយមិនរាប់បញ្ចូល smartphones និង laptops ឡើយ) ដែលបានតភ្ជាប់ជាមួយ platform របស់ខ្លួន។

នាពេលបច្ចុប្បន្ន ផលិតផលរបស់ក្រុមហ៊ុន Xiaomi មានលក់នៅតាមតំបន់ និងប្រទេសចំនួនជាង ៧០ប្រទេស នៅទូទាំងពិភពលោក និងមានកន្លែងឈរជើងឈានមុខគេក្នុងទីផ្សារជាច្រើនទៀតផង៕

អត្ថបទ៖ រក្សា