ចាន់ វឌ្ឍនាកា និយាយពាក្យពិត រឿងអនាគតនៅជម្រើសជាតិបានយូរប៉ុណ្ណា
- 2018-11-13 02:41:12
- ចំនួនមតិ 0 | ចំនួនចែករំលែក 0
ចាន់ វឌ្ឍនាកា និយាយពាក្យពិត រឿងអនាគតនៅជម្រើសជាតិបានយូរប៉ុណ្ណា
ចន្លោះមិនឃើញ
ខ្សែប្រយុទ្ធជួរមុខរបស់កម្ពុជា ចាន់ វឌ្ឍនាកា បានបង្ហោះនៅលើបណ្ដាញសង្គម Facebook របស់ខ្លួនថា “ខ្ញុំមិនមានសមត្ថភាពជាប់ជម្រើសជាតិទេ”។
១ឃ្លាខាងលើនេះ បានធ្វើឱ្យអ្នកគាំទ្រជាច្រើនដាក់ចម្ងល់ថា តើកីឡាករឆ្នើមរបស់កម្ពុជានេះ នឹងចាកចេញពីជម្រើសជាតិកម្ពុជា ឬយ៉ាងណា ក្រោយបរាជ័យក្រោមថ្វីជើងមីយ៉ាន់ម៉ា ៤-១ ក្នុងពានរង្វាន់ AFF Suzuki Cup 2018 នេះ?
វឌ្ឍនាកា លេងបានយ៉ាងល្អក្នុងការប្រកួតយប់មិញ ហើយក៏ជាអ្នករកគ្រាប់បាល់បានឱ្យកម្ពុជានាំមុខមីយ៉ាន់ម៉ា ១-០ នៅតង់ទី១ផងដែរ។ យ៉ាងណាមិញ លេងល្អយ៉ាងនេះមែន ប៉ុន្តែរូបគេមិនអាចជួយក្រុមនៅតង់ទី២បានទេ ដោយសារតែគ្រូបង្វឹកបានប្ដូររូបគេចេញ ដាក់ជំនួសវិញដោយកីឡាករ ឈិន ឈឿន។ ការប្ដូរខ្សែប្រយុទ្ធចេញនេះដែរ បានធ្វើឱ្យកម្ពុជាបាត់បង់ឱកាសស្វែងរកគ្រាប់បាល់ ហើយអ្វីគួរឱ្យសោកស្ដាយទៀតនោះ គឺតង់ទី២នេះ ឱ្យមីយ៉ាន់ម៉ា វាយបកបាន៤គ្រាប់ថែមទៀត។
ក្រោយពីចប់ការប្រកួតនេះទៅ នៅលើបណ្ដាញសង្គម វឌ្ឍនាកា បានបង្ហោះសារមិនសមជាប់ជម្រើសជាតិទេ។ ដោយពាក្យនេះ សាមីខ្លួនបញ្ជាក់ថាជាពាក្យពិតចេញពីចិត្តរបស់គេផ្ទាល់តែម្ដង។ ចំពោះរឿងចូលនិវត្តពីជម្រើសជាតិនោះ កីឡាករវ័យក្មេងខាងលើក៏បានឆ្លើយឆ្លង comment ជាមួយអ្នកគាំទ្រថា មិនយូរទៀតទេ ផងដែរ៕