បើចង់បាន Lexus RX330 គួរទិញ Option មួយណា ទើបចំណេញលុយនិងមានទីផ្សារ

2018-11-13 04:27:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ឡានស៊េរី Lexus RX មានភាពខុសគ្នាដូចជា ប៉ុង១ ប៉ុង២ Base Option, Half full និង Full Options និងរឿងដែលខុសគ្នាឆ្ងាយមួយទៀតគឺ ពណ៌។

សម្រាប់ត្រកូល Lexus RX330 មានចាប់ពីស៊េរី ២០០៤ និង ២០០៥ ដែលកំពុងមានការប្រើប្រាស់ច្រើននៅលើទីផ្សារនិងត្រូវសម្រេចចិត្តទិញ Option មួយណាទើបចំណេញលុយនិងប្រើត្រូវទីផ្សារ។

លោក ហេង ហៀប បុគ្គលិកលក់ឡានមួយទឹកនៅឃ្លាំងមួយកន្លែងម្ដុំច្រោយចង្វារបានប្រាប់ Sabay ថា Lexus RX ដែលកំពុងពេញនិយមភាគច្រើនពណ៌ស បើពណ៌ផ្សេងខុសពីពណ៌សពុំសូវមានទីផ្សារឡើយ បើតម្លៃវិញក៏ខុសគ្នា ជាង ២ ០០០ ដុល្លារ ដោយគិតទាំងប្រភេទ Base Option, Half full និង Full Options ជាដើម។

លោកបន្តថាសម្រាប់អ្នកដែលចង់ទិញ Lexus RX330ប្រើប្រាស់ក្នុងស្រុកគួរសម្រេចចិត្តទិញប្រភេទ Hafl Full ព្រោះចំណេញលុយមានទីផ្សារប្រើប្រាស់ច្រើន និងមានលក្ខណៈទំនើបច្រើនដូចទៅនិងប្រភេទ Full Option ដែល។

ដោយប្រភេទ Half Full និង Full option មានលក្ខណៈដូចគ្នាច្រើនដូចជាមានអេក្រង់បង្ហាញព័ត៌មានធំ, មាន DVD, មានកាមេរ៉ាក្រោយ, មានទឹកបាញ់ចង្កៀង, ប៊ូតុងចុចបិតឃ្លុបក្រោយអូតូ (ប្រភេទ Base Option អាចមានឬអត់) កៅអីអង្គុយបញ្ជាអូតូ, ចំពោះពោងសុវត្ថិភាពមានប្រាំបួនគ្រាប់ដូចគ្នា។

សម្រាប់ full option មានលក្ខណៈពិសេសជាងHalf Full គឺកន្លែងដាំបាយអគ្គិសនីនៅផ្នែកខាងក្រោយ មានផ្លិតទឹកដំណើរការអូតូនៅពេលភ្លៀង អេគ្រុយនៅលើតាប្លូជាដើម។

បើនិយាយពីតម្លៃវិញ RX330 មានតម្លៃខុសគ្នាពីប្រភេទ Base Option ទៅ Hafl Full ប្រមាណជា ១ ៥០០ ទៅ ២ ០០០ ដុល្លារ និងពី Hafl Full ទៅ Full option ចន្លោះពី ១ ៥០០ ទៅ ២ ៥០០ ដុល្លារ អាស្រ័យទៅតាមគុណភាពឡានផ្ទាល់ សម្រាប់ទីផ្សារក្នុងស្រុក៕

សម្រាប់កម្រិតស៊ីសាំងរបស់ Lexus RX330៖

ប្រភេទប៉ុងមួយ ម៉ាស៊ីនស៊ីឡាំង ៦ ទំហំ ៣,៣ លីត្រ ៖ ក្នុងក្រុង ១៣,៣៨ លីត្រ/ ១០០ គ.ម និង ក្រៅក្រុង ១០,២២ លីត្រ/ ១០០ គ.ម។
ប្រភេទប៉ុងពីរ ម៉ាស៊ីនស៊ីឡាំង ៦ ទំហំ ៣,៣ លីត្រ ៖ ក្នុងក្រុង ១៤,៧ លីត្រ/ ១០០ គ.ម និង ក្រៅក្រុង ១០,៦៩ លីត្រ/ ១០០ គ.ម។

កម្រិតស៊ីសាំងអាចខុសគ្នាបន្តិចបន្តួចព្រោះជាប្រភេទឡានមួយទឹក និងអាស្រ័យតាមការប្រើប្រាស់ជាក់ស្ដែង។