Huawei គិតចង់ថែមកាមេរ៉ាដល់ ៤ គ្រាប់នៅឆ្នាំក្រោយនេះ

2018-11-14 04:05:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីអាចយកឈ្នះ Apple បាន ២ ត្រីមាសជាប់ៗគ្នាលើចំនួនលក់ស្មាតហ្វូនជាសកលរួចមក មិនមានការសង្ស័យនោះទេថា Huawei ក៏គ្រោងនឹងផ្ដួល Samsung ដើម្បីឈរលើតំណែងកំពូលផងដែរ។

ក្នុងកិច្ចសម្ភាសន៍ជាមួយវិបសាយបច្ចេកវិទ្យាអាល្លឺម៉ង់ AndroidPIT កាលពីថ្មីៗនេះ លោក Walter Ji ប្រធានផ្នែកអាជីវកម្មអតិថិជនរបស់ Huawei បានបង្ហើបអំពីមហិច្ឆតាមួយចំនួនរបស់ក្រុមហ៊ុន ដើម្បីអាចនាំមុខគូប្រជែងនៅថ្ងៃអនាគត។

ក្នុងនោះ Huawei គ្រោងនឹងបំពាក់កាមេរ៉ាដល់ទៅ ៤ គ្រាប់នៅផ្នែកខាងក្រោយស្មាតហ្វូនដែលចេញឆ្នាំ ២០១៩។ ក្នុងចំណោមកាមេរ៉ា ៤ គ្រាប់នឹងមានកាមេរ៉ាមួយគ្រាប់មានសមត្ថភាព Zoom បែប Optical បាន ១០ ដងដោយមិនបាត់បង់គុណភាពរូបភាព ខ្លាំងជាង P20 Pro និង Mate 20 Pro ដែល Zoom បាន ៣ ដងប៉ុណ្ណោះ។

ស្មាតហ្វូនបត់អេក្រង់ដែលប្រើប្រព័ន្ធ 5G ក៏ជាផ្នែកមួយនៃផែនការកាន់កាប់ទីផ្សារស្មាតហ្វូនផងដែរ។ មិនតែប៉ុណ្ណោះក៏មានការបង្កើនថាមពលថ្ម, ការបង្កើនល្បឿននៃប្រព័ន្ធ ដែលនឹងត្រូវប្រើជាចំណុចសំខាន់សម្រាប់ទាក់ចិត្តអ្នកទិញ៕

ចុចអាន៖

ប្រភព៖ PhoneArena ប្រែសម្រួល៖ សុខហេង