ឧកញ៉ា ស្រី ចាន់ថន ទទួលបានសិទ្ធផ្ដាច់មុខនាំចូលរថយន្តបាញ់មិនធ្លុះ មកខ្មែរ!

2018-11-16 07:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនរបស់លោក ឧកញ៉ា ស្រី ចាន់ថនទទួលបានសិទ្ធិ នាំចូលផ្ដាច់មុខនូវប្រភេទរថយន្ត Rezvani របស់សហរដ្ឋអាមេរិក មកលក់នៅប្រទេសកម្ពុជា។

រថយន្ត Rezvani របស់សហរដ្ឋអាមេរិក ដែលក្រុមហ៊ុន ជេត៍ គ្រុបមានពីរប្រភេទគឺ បាញ់ធ្លុះ នឹងបាញ់មិនធ្លុះ (ការពារគ្រាប់)។

តួរថយន្តទាំងមូល, កញ្ចក់ទ្វាររថយន្ត និងផ្នែកកង់រថយន្ត អាចការពារការវាយប្រហារដោយគ្រាប់កាំភ្លើង ហើយផ្នែកខាងក្រោមអាចការពារពីការបំផ្ទុះគ្រាប់បាន រួមទាំងការពារធាតុវិទ្យុសកម្មផេ្សងៗ។

រថយន្ត Rezvani ម៉ូឌែល Tank មានរូបរាងប្រៀបដូចជារថក្រោះ ប្រើប្រាស់ម៉ាស៊ីនចំណុះ ៦,៤ លីត្រកម្លាំង ម៉ាស៊ីន ៥០០ សេះ។

រថយន្ត Tank នេះមានដាក់លក់លើទីផ្សារសហរដ្ឋអាមេរិកក្នុងតម្លៃចាប់ពី ១៦៥ ០០០ ដុល្លារ អាស្រ័យលើ Option នៃរថយន្ត៕

លោកឧកញ៉ា ស្រី ចាន់ថន បានប្រកាសថា៖ *ថ្ងៃនេះក្រុមហ៊ុន ជេត៍ គ្រុប បានសហការជាមួយ ក្រុមហ៊ុនផលិតរថយន្ត រេហ៍វ៉ានី របស់សហរដ្ឋអាមេរិក ដោយបានផ្ដល់សិទ្ធិចែកចាយផ្តាច់មុខតែមួយគត់ក្នុងប្រទេសកម្ពុជានឹង មានតែកម្ពុជាមួយគត់ដែលមានសិទ្ធចែកចាយបន្តទៅកាន់ប្រាំប្រទេសផ្សេងទៀតដែលរួមមាន៖ សិង្ហបុរី, ម៉ាឡេស៊ី, ថៃ, វៀតណាម និងឡាវ”៕