ចិត្តល្អមែន! ក្រុមហ៊ុនខ្មែរមួយនេះ ត្រៀមភេសជ្ជៈឆ្ងាញ់ៗ ១ម៉ឺនកេស ចែកក្រុមកីឡាករទូកង

2018-11-16 11:04:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងឱកាសបុណ្យអុំទូក បណ្ដែតប្រទីប និងសំពះព្រះខែ អកអំបុក ខាងមុខនេះ ក្រុមហ៊ុន ខ្មែរ ប៊ែវើរីជីស នឹងបន្តឧបត្ថម្ភភេសជ្ជៈព្រមទាំងអាវយឺត មួក ប្រេងឆា និងសាប៊ូ ដល់កីឡាករទូកងចំនួន១០០ទូក។

កម្មវិធីប្រគល់កញ្ចប់ឧបត្ថម្ភនេះនឹងរៀបចំឡើងនៅថ្ងៃទី២០ វិច្ឆិកា នៅសួនច្បារច្រមុះជ្រូកក្បែរសណ្ឋាគារសុខា ជ្រោយចង្វា។ ទូកនីមួយៗនឹងទទួលបានទឹកផ្លែឈើជូប(Joop) ៣០កេស ទឹកបរិសុទ្ធកម្ពុជា ៣០កេស ភេសជ្ជៈបូវកម្លាំង Wurkz ៥កេស ស្រាបៀរគូដូ ១៥ កេស ព្រមទាំងប្រេងឆា Healthy Chef១កេស និងសាប៊ូ Ora១កេស។

ទូកដែលទទួលបានជយលាភីពីលេខ១ ដល់ ៣ ក្រុមហ៊ុនខ្មែរ ប៊ែវើរីជីស និងឧបត្ថម្ភស្រាបៀរគូដូ ចំនួន ៥០ កេស បន្ទាប់ពីព្រះរាជពិធីបុណ្យអុំទូកត្រូវបានបញ្ចប់។

កាលពីឆ្នាំមុនក្រុមហ៊ុនដដែល ក៏បានឧបត្ថម្ភកីឡាករទូកងទាំងអស់នូវទឹកសុទ្ធ ទឹកផ្លែឈើ ស្រាបៀរ គូដូ អាវយឺត និងមួកសម្រាប់ប្រើប្រាស់អំឡុងពេលស្នាក់នៅប្រកួតក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុកផងដែរ៕