Premier League គ្រោងកាត់បន្ថយកូតាកីឡាករបរទេស ប៉ុន្តែក្លឹបជំទាស់
- 2018-11-17 01:42:46
- ចំនួនមតិ 0 | ចំនួនចែករំលែក 0
Premier League គ្រោងកាត់បន្ថយកូតាកីឡាករបរទេស ប៉ុន្តែក្លឹបជំទាស់
ចន្លោះមិនឃើញ
Premier League នឹងបិទទីផ្សារដោះដូរកីឡាករនារដូវក្ដៅក្រោយនៅខែសីហាឆ្នាំ២០១៩មុនពេលចាប់ផ្តើមរដូវកាល បើទោះបីជាក្លឹបជាច្រើនចង់ឲ្យមានការពន្យារពេលរហូតដល់ចុងខែក្តី។
យ៉ាងណាក្តី ការជជែកវែកញែកអំពីបញ្ហាដ៏ចម្រូងចម្រាសមួយបានកើតឡើងនៅពេលដែលក្របខ័ណ្ឌបាល់ទាត់របស់អង់គ្លេសដាក់សំណើកាត់បន្ថយកូតាកីឡាករបរទេស មកត្រឹម១២នាក់ក្នុងចំណោមកីឡាករ២៥នាក់ ដែលបច្ចុប្បន្នកូតាកីឡាករបរទេសសម្រាប់ក្លឹបនីមួយៗមានចំនួន១៧នាក់។ នេះបើយោងតាម The Guardian ទើបបានចុះផ្សាយ។
លោក David Gold ជាសហប្រធានរបស់ក្លឹប West Ham ដែលជាម្នាក់ក្នុងចំណោមអ្នកដែលមានការព្រួយបារម្ភ បាននិយាយថា "វាកំពុងប្រសើរ។ ហេតុអ្វីចាំបាច់ប្តូរ [គោលការណ៍]? លោកបានបន្ថែមថា ខាងសមាគមបាល់ទាត់គួរតែត្រួតពិនិត្យឲ្យបានហ្មត់ចត់មុននឹងកំណត់វិធានការនេះ ព្រោះបាល់ទាត់អង់គ្លេសកំពុងតែជោគជ័យ ហើយលោកមិនចង់ឃើញក្របខ័ណ្ឌបាល់ទាត់នេះធ្លាក់ចុះទេ។
លោក Glyn Evans នាយកប្រតិបតិ្តរបស់ Watford "យើងចង់រក្សាស្ថានភាពនេះឲ្យនៅដូចដើម។ យើងនឹងព្យាយាមទិញយកនូវកីឡាករល្អៗបំផុតដើម្បីរក្សាក្របខ័ណ្ឌ Premier League ឱ្យនៅតែជាលីគដ៏ល្អបំផុតក្នុងលោក ជាម៉ាកល្បីទូទាំងសកលលោករបស់ចក្រភពអង់គ្លេស និង បានរកចំណូលដ៏ច្រើនសន្ធឹកសន្ធាប់ជូនប្រទេសនេះ"៕