សណ្ឋាគារលើកោះបាលី ហាមឃាត់មិនឲ្យប្រើស្មាតហ្វូន ព្រោះហេតុផលពិសេសមួយ

2018-11-23 03:09:59
ចំនួនមតិ 0 | ចំនួនចែករំលែក 0

ចន្លោះមិនឃើញ

សណ្ឋាគារ និងរមណីយដ្ឋានមួយចំនួន ពឹងផ្អែកលើការបង្ហោះនៅលើបណ្ដាញសង្គម ដើម្បីទាក់ទាញភ្ញៀវឲ្យមកលេងកម្សាន្ត។ ប៉ុន្តែសណ្ឋាគារមួយនៅលើកោះបាលី មានឈ្មោះថា Ayana Resort and Spa បានហាមឃាត់មិនឲ្យភ្ញៀវប្រើប្រាស់ទូរសព្ទដៃ និងឧបករណ៍អេឡិចត្រូនិកផ្សេងទៀតឡើយ។

ចាប់ពីម៉ោង ៩ព្រឹក ដល់ ៥ល្ងាច ជារៀងរាល់ថ្ងៃ ភ្ញៀវទាំងអស់នឹងមិនត្រូវអនុញ្ញាតឲ្យយកទូរសព្ទដៃស្មាតហ្វូន ទៅក្បែរតំបន់ងូតទឹកសមុទ្រឡើយ។ ភ្ញៀវដែលមិនចង់ទុកទូរសព្ទដៃចោលនៅក្នុងបន្ទប់ អាចដាក់វានៅក្នុងទូចាក់សោ ខណៈពួកគេហែលទឹកលេងបាន។

ជាមួយគ្នានេះដែរ ការហាមឃាត់មិនមែនត្រឹមតែលើស្មាតហ្វូនប៉ុណ្ណោះទេ សូម្បីតែឧបករណ៍អេឡិចត្រូនិកដទៃទៀត ដូចជា iPads, កាមេរ៉ា និង Tablet ក៏ត្រូវបានហាមឃាត់ដែរ។

អ្នកតំណាងសណ្ឋាគារខាងលើ បានប្រាប់កាសែត CNN ថា «ការធ្វើបែបនេះគឺដើម្បីបង្កើតកន្លែងស្ងប់ស្ងាត់មួយ ដែលភ្ញៀវរបស់យើងអាចសម្រាកលំហែកាយពិតប្រាកដ»។ មិនតែប៉ុណ្ណោះអ្នកតំណាងរូបនេះបានប្រាប់ឲ្យដឹងទៀតថា ភ្ញៀវត្រូវបានជំរុញឲ្យទុកចោលឧបករណ៍ទាំងនោះ រួចងាកមកសម្រាកលំហែកាយ អានសៀវភៅ ឬ ដេកហាលថ្ងៃ ជំនួសវិញ៕