គ្រូ Lyon សន្យានឹងធ្វើឲ្យ Man City ឈឺផ្សាម្ដងទៀតនៅយប់នេះ

2018-11-27 02:36:58
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Bruno Genesio ហ៊ានសន្យាថា Lyon នឹងវាយសម្រុកលើកក្រុម Manchester City ដើម្បីយកជ័យជម្នះជាលើកទីពីរក្នុងវគ្គសន្សំពិន្ទុ ពាន Champions League នៅរាត្រីនេះ។

ការប្រកួតរវាងក្រុមទាំងពីរកាលពីជើងទីមួយក្នុងទឹកដី Etihad ក្លឹបរហស្សនាមមេឃខៀវបានបរាជ័យ ដោយសារ Lyon ក្នុងលទ្ធផល ២-១ កាលនោះ Maxwel Cornet និង Nabil Fekir ជាអ្នករកគ្រាប់ឲ្យក្រុមមកពីបារាំង។

យប់នេះម៉ោង៣រំលងអាធ្រាត្រ Lyon នឹងបើកកីឡដ្ឋានខ្លួន Groupama ដើម្បីស្វាគមន៍ Man City ប្រកួតជើងទីពីរ ដែលជាការប្រកួតទី៥ក្នុងពូល F។ ក្នុងសន្និសីទកាសែត Bruno Genesio ដែលជាអ្នកចាត់ការរបស់ Lyon បានលើកឡើងថា៖ "ពួកយើងត្រូវតែប្រកួតដោយយកចិត្តទុកដាក់បំផុត។ ពួកយើងត្រូវបានមានសង្ឃឹម១៥០%ដើម្បីឈ្នះ"។

“Manchester City គឺជាក្រុមមួយជាបេក្ខភាពគេរំពឹងថានឹងឈ្នះ Champions League។ ពួកគេជាក្រុមល្អជាងគេមួយនៅអឺរ៉ុប ប៉ុន្តែពួកយើងនឹងលេងជាមួយមហិច្ឆតា។ ពួកយើងត្រូវតែជឿជាក់លើខ្លួនឯង។ ៥ប្រកួតចុងក្រោយគិតគ្រប់កម្មវិធីរបស់ Lyon មិនមានការចាញ់ទេ ពោលឈ្នះ៣ ស្មើ២ ចំណែក Man City ឈ្នះទាំងអស់ដូចគ្នានិងរកបាន២១គ្រាប់ឯណោះ។ ចាំមើលយប់នេះ Lyon បំបាក់ Ma City បានម្ដងទៀតទេ?

ប្រភព៖ Four Four Two ប្រែសម្រួល៖ ហេង សុធារិទ្ធិ