រឿងពិតទាំង ៨របស់ Jungkook អ្នកគាំទ្រដឹងហើយអាចយំចេញដោយមិនដឹងខ្លួន

2018-11-27 02:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាជិកក្មេងជាងគេដែលតែងស្ថិតក្នុងបេះដូងអ្នកគាំទ្រ Jungkook គឺជាតារា K-Pop មានចរិតស្ងៀមស្ងាត់ ហើយពេលខ្លះក៏ពូកែលេងច្រើនដែរ ប៉ុន្តែមានរឿងជាច្រើនដែលប្អូនពៅ BTS រូបនេះលាក់ទុក កម្របង្ហាញប្រាប់អ្នកជុំវិញខ្លួនណាស់។

តាមសកម្មភាពប្រចាំថ្ងៃរបស់ Jungkook ជាមួយសមាជិករួមក្រុមទាំងអស់ អ្នកគាំទ្រច្បាស់ជាដឹងច្បាស់ថា លោកជាមនុស្សម្នាក់ដែលតែងខ្វល់ខ្វាយពីគេគ្រប់គ្នា ស្មោះត្រង់ និងឱនលំទោនជានិច្ច។ ពៅក្រោយស្នាមញញឹមរបស់តារាប្រុសរូបនេះ ក៏មានរឿងមួយចំនួន គ្រប់គ្នាដឹងហើយអាចអួលដើមកបាន។

១. Jungkook ជួបប្រវត្តិឯកាបំផុតពេលផ្លាស់មកនៅទីក្រុងសេអ៊ូល

កាលមកទីក្រុងដំបូង លោកចំណាយពេលទៅណាមកណា និងធ្វើអ្វីគ្រប់យ៉ាងតែម្នាក់ឯងគត់ ខណៈនៅជាអ្នកហ្វឹកហាត់ចំណូលថ្មី។

២. លោកតែងមានអារម្មណ៍ថាខ្លួនឯងពាក់ម៉ាស់គ្រប់ពេលពេលជួបមនុស្សមិនធ្លាប់ស្គាល់

ក្នុងកម្មវិធី “Give Me A Meal” របស់ទូរទស្សន៍ JBTC សមាជិកវ័យក្មេងរូបនេះនិយាយថា ដោយសារគ្រប់ពេល ខ្លួនតែងតែឯកា ទើបឲ្យតែពេលជួបអ្នកណាចម្លែកមុខ លោកមិនសូវមានទំនុកចិត្តក្នុងការជជែកលេងជាមួយទេ។ ហេតុនេះហើយ ទើបលោកមានអារម្មណ៍ថាខ្លួនឯង ដូចពាក់ម៉ាស់បាំងមុខពីមនុស្សជុំវិញ ខ្លួនអ៊ីចឹង។

៣. Jungkook កម្រនិយាយពីអារម្មណ៍ខ្លួនឯងណាស់ ប៉ុន្តែតែងបង្ហាញចេញតាមរយៈកាយវិការ

បើទោះបី តារាប្រុសរូបនេះមិនដែលនិយាយថាលោកគិតបារម្ភពីសមាជិកបងៗក្នុងក្រុម ប៉ុន្តែជារឿយៗលោកតែងជួយគ្រប់គ្នា មើលថែ យកចិត្តទុកដាក់ដោយមិនបាច់ហាមាត់និយាយមួយម៉ាត់។

៤. លោកជាមនុស្សងាយយំ ពេលនិយាយដល់រឿងរ៉ាវចាក់ដោត

ដូចពេលប្រគំតន្ត្រីលើដំបូងរបស់ BTS Jungkook បាននិយាយអរគុណទៅកាន់អ្នកគាំទ្រទាំងអស់ ហើយភ្លាមៗស្រាប់តែយំ ព្រោះមិនអាចទប់អារម្មណ៍រំភើប និងសេចក្ដីអំណរទៅកាន់អ្នកដែលបានចូលរួមទាំងអស់។

៥. ក្ដីបារម្ភដែល Jungkook មាន មិនមែនសម្រាប់ខ្លួនឯងឡើយ

RM ធ្លាប់ឃើញ Jungkook យំលើដំបូងបង្អស់ នៅពេលរម្លឹកពីពេលលំបាកដែលបងៗក្នុងក្រុមជួបប្រទះ ដូចនេះពិតជាអាចបញ្ជាក់បានថា Jungkook គិតគូរគ្រប់គ្នាខ្លាំងកម្រិតណា។

៦. Jungkook មិនភ្លេចកំណើតឡើយ

ជាឧទាហរណ៍ស្រាប់ នៅថ្ងៃខួបកំណើតគម្រប់ ១៩ឆ្នាំ ម្ចាស់ខួបរូបនេះថ្លែងអរគុណមុនគេដល់ឪពុកម្ដាយជាទីស្រឡាញ់មុនគេ និងបញ្ជាក់ពីទំហំនៃក្ដីស្រឡាញ់ជូនអ្នកមានគុណរបស់ខ្លួនមិនដាច់ពីមាត់។

៧. Jungkook តែងដាក់កម្រិតខ្លួនឯងជានិច្ច

ដូចកាលពីការប្រគំតន្ត្រីទេសចរណ៍ "Wings” Jungkook សម្ដែងទាល់តែសន្លប់ ដោយសារហត់ខ្លាំងពេក។ ប៉ុន្តែតាមសម្ដីរបស់ មេក្រុម RM បានប្រាប់ថា សមាជិកពៅគេមួយនេះមិនដែលបង្ហាញឲ្យគេដឹងថា ខ្លួនហត់នឿយទេ បែបនេះហើយទើបម្នាក់ៗភ្ញាក់ពេលឃើញ លោកដួលលើឆាក។

៨. Jungkook ជាតារាដែលចូលចិត្តផ្ដល់ភាពស្និទ្ធស្នាលផ្អែមល្ហែមដាក់អ្នកគាំទ្រ

រាល់ពេលបង្ហាញមុខក្នុងពិធីជួបជុំអ្នកគាំទ្រ លោកតែងលេងសើចដូចមនុស្សស្គាល់គ្នារាប់ឆ្នាំ។ ដោយសារអ្វីដែលលោកផ្ដល់ឲ្យលើសពីការរំពឹងទុកបែបនេះហើយ ទើបមានអ្នកគាំទ្រខ្លះយំនៅពីមុខដោយក្ដីរំភើបពេកផងក៏មាន៕

ប្រភព៖ Koreaboo ប្រែសម្រួល៖ យី សុធារី