ជិត២០ឆ្នាំមុន ជំនួយទាំង៣នេះ អង្គការយូណេស្កូ ធ្លាប់ជួយទ្រទ្រង់ល្ខោនខោលខ្មែរ

2018-11-28 10:23:31
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃទី ២៨ ខែវិច្ឆិកាឆ្នាំ ២០១៨ ជាថ្ងៃដែលល្ខោនខោលរបស់កម្ពុជា បានដាក់បញ្ចូលក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ នៅទីក្រុង ព័រល្វី សាធារណរដ្ឋម៉ូរីស។ អ្វីដែលគួរឲ្យកត់សម្គាល់ កាលពីជិត២០ឆ្នាំមុន អង្គការយូណេស្កូ ធ្លាប់បានផ្ដល់ជំនួយទ្រទ្រង់ល្ខោនខោល ក្នុងវត្តស្វាយអណ្ដែតផងដែរ។

វត្តស្វាយអណ្ដែត

ក្នុងខ្សែវីដេអូមួយមានរយៈពេលជិត ១០នាទី និយាយពី "ល្ខោនខោលនៅវត្តស្វាយអណ្ដែត" ដោយលោកគ្រូ ប៉ុច ផៃ អ្នកដឹកក្រុមនេះ ឲ្យដឹងថា អង្គការយូណេស្កូ (UNESCO) ធ្លាប់ផ្ដល់ជំនួយដល់ក្រុមសម្ដែង ល្ខោនខោលក្នុងវត្តនេះ កាលពីឆ្នាំ២០០០ ដូចជា រោងសម្ដែង មុខរូប និងសំលៀកបំពាក់ ដើម្បីថែរក្សាសិល្បៈរបស់កម្ពុជាមួយនេះ។

រោងសម្ដែង

មុខពាក់

សំលៀកបំពាក់

បច្ចប្បន្ន រោងសម្ដែងល្ខោនខោល មានសភាពទ្រុឌទ្រោម ហើយត្រូវបានប្រជាពលរដ្ឋក្រខ្សត់ សុំធ្វើជាជម្រក ដោយឡែកសំលៀកបំពាក់ និងមុខពាក់ ត្រូវបានរក្សាទុក និងប្រើប្រាស់មកទល់សព្វថ្ងៃ។

វត្តស្វាយអណ្ដែត មានលក្ខណៈពិសេសប្លែកពីវត្តដទៃ ព្រោះជារៀងរាល់ឆ្នាំ គេតែងធ្វើពិធីសំពះគ្រូ លៀងមេមត់បង់បត់ សុំសេចក្ដីសុខដល់កូនសិស្សល្ខោនខោល និងអ្នកស្រុកអ្នកភូមិ ដោយពួកគេបានជួលរោងការ ឬរោងបុណ្យ ដើម្បីសម្ដែងឲ្យប្រជាពលរដ្ឋគ្រប់ទិសទីបានទស្សនា។

គួរជម្រាបថា វត្តស្វាយអណ្ដែត មានចម្ងាយប្រមាណ ១០គីឡូម៉ែត្រពីភ្នំពេញ មានទីតាំងនៅតាមមាត់ទន្លេក្នុងភូមិតាស្គរ ឃុំសារិកាកែវ ស្រុកល្វាឯម ខេត្តកណ្ដាល។

សូមទស្សនាបទសម្ភាសន៍របស់អង្គការយូណេស្កូ៖