សង្ឃថៃ បង្ហោះរូបបង្ហាញសាច់ដុំ ៦កង់ កំពុងត្រូវប៉ូលិសរកព្រះភ័ក្ត្រ
- 2018-11-29 06:59:52
- ចំនួនមតិ 0 | ចំនួនចែករំលែក 0
សង្ឃថៃ បង្ហោះរូបបង្ហាញសាច់ដុំ ៦កង់ កំពុងត្រូវប៉ូលិសរកព្រះភ័ក្ត្រ
ចន្លោះមិនឃើញ
រយៈពេលមិនដល់មួយសប្ដាហ៍ផង បន្ទាប់ពីរូបថតព្រះសង្ឃថៃបង្ហាញសាច់ដុំត្រូវបានបង្ហោះ និងចែកចាយលើបណ្ដាញអ៊ីនធឺណិត ឥឡូវនេះអាជ្ញាធរនៃការិយាល័យពុទ្ធសាសនាជាតិថៃ កំពុងតាមរកព្រះសង្ឃនៅក្នុងរូបថតហើយ។
លោក Narong Songarom អនុប្រធានការិយាល័យពុទ្ធសាសនាជាតិថៃ បាននិយាយនាថ្ងៃព្រហស្បតិ៍នេះថា លោកបានបញ្ជាឲ្យមន្ត្រីពុទ្ធសាសនាថ្នាក់ជាតិ និងថ្នាក់ខេត្ត ធ្វើការស៊ើបអង្កេត និងរកអត្តសញ្ញាណរបស់លោកសង្ឃសាច់ដុំអង្គនោះ។
ទោះបីជាយ៉ាងណា លោក Narong និយាយថា អាជ្ញាធរមិនដឹងថាមនុស្សប្រុសនៅក្នុងរូបនោះ គឺជាបុរសសាមញ្ញធម្មតាស្លៀកស្បង់ ឬព្រះសង្ឃពិតប្រាកដឡើយ ប៉ុន្តែប្រសិនបើជាព្រះសង្ឃវិញ គួរតែព្រមាន និងដាក់ទណ្ឌកម្មចំពោះសកម្មភាពបែបនេះ។
យ៉ាងណាមិញ ការិយាល័យពុទ្ធសាសនាជាតិថៃ ក៏បានស្នើសុំក្រសួងសេដ្ឋកិច្ច និងសង្គមឌីជីថល (Ministry of Digital Economy and Society) ដើម្បីបញ្ឈប់រូបថតពីការផ្សព្វផ្សាយ និងចែកចាយតាមអ៊ីនធឺណិតទៀតផងដែរ៕
ចុចអាន៖