នៅខ្មែរមានហើយ! ផ្សារទំនើបធំសម្បើមលក់សម្ភារផ្ទះគ្រប់មុខ សម្ពោធព្រឹកមិញ មានប្រូម៉ូសិនសន្ធឹកសន្ធាប់

2018-12-01 08:15:07
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីព្រឹកមិញនេះ Global House ផ្សារទំនើបលក់សម្ភារៈផ្ទះ និងសំណង់គ្រប់ប្រភេទធំបំផុតដំបូងបង្អស់នៅកម្ពុជា បានបើកសម្ពោធជាផ្លូវការហើយក្រោមអធិបតីភាពឧត្តមជា សុផារ៉ា ទេសរដ្ឋមន្ត្រី រដ្ឋមន្ត្រី ក្រសួងរៀចចំដែនដី នគររូបនីយកម្ម និងសំណង់ និងភ្ញៀវជាតិ និងអន្តរជាតិជាច្រើនរូបទៀត។

ពិសេសសម្រាប់ ១ថ្ងៃនេះពេញ ចាប់ពី ម៉ោង ១០ព្រឹក ដល់ម៉ោង ៨យប់ អតិថិជនទាំងអស់នឹងអាចរីករាយជាមួយការទិញទំនិញល្អៗបញ្ចុះតម្លៃពិសេសជាច្រើនមុខ និងឱកាសលេងហ្គេម ដើម្បីទទួលបានរង្វាន់ជាច្រើនសន្ធឹកសន្ធាប់ថែមទៀត។

ជាមួយបទពិសោធន៍ជាង ២០ឆ្នាំ ក្នុងវិស័យនេះ បច្ចុប្បន្ន ផ្សារទំនើប Global House បានពង្រីកដល់ទៅ ៦០សាខា ទូទាំងប្រទេសថៃ និងឥលូវនេះបានបោះជំហានចេញក្រៅប្រទេសជាលើកដំបូងមកកម្ពុជា ក្រោមការសហការគ្នារវាងលោកឧកញ៉ា លី យ៉ុងផាត ប្រធានក្រុមហ៊ុន LYP Group និងវិនិយោគិនថៃ លោក Witoon Suriyawanakul ។

Global House បានប្រមូលផ្តុំផលិតផលដែលមានគុណភាពពីបណ្តាក្រុមហ៊ុនធំៗទូទាំងពិភពលោក ដែលសុទ្ធសឹងជាតម្រូវការចាំបាច់សម្រាប់អ្នកប្រើប្រាស់ ជាពិសេសមានតម្លៃថោកសមរម្យ សេវាកម្មល្អ ងាយស្រួល ក្នុងការរកទិញទំនិញ ទៅតែមួយកន្លែង អាចរកទិញបានគ្រប់មុខ។

Global House Cambodia មានទីតាំង នៅភូមិបាយ៉ាប សង្កាត់ភ្នំពេញថ្មី ខណ្ឌសែនសុខ ភ្នំពេញ។ ព័ត៌មានបន្ថែម ទាក់ទងលេខ 023 232 232។

Global House ផ្គត់ផ្គង់សម្បូរបែបសម្រាប់គេហដ្ឋានរបស់លោកអ្នក៕