"យើងត្រូវការឆ្កែឆ្កួត" Mourinho និយាយក្រោយស្មើ Southampton
- 2018-12-02 06:10:27
- ចំនួនមតិ 0 | ចំនួនចែករំលែក 0
"យើងត្រូវការឆ្កែឆ្កួត" Mourinho និយាយក្រោយស្មើ Southampton
ចន្លោះមិនឃើញ
លោក Jose Mourinho ខឹងសម្បារជាខ្លាំងនឹងប្រព័ន្ធបម្រើរបស់កូនក្រុមលោក ដែលធ្វើឲ្យក្បួនរបស់លោករញ៉េរញ៉ៃស្ទើរចាញ់ការប្រកួតទល់នឹងក្រុម Southampton។
ក្រុមបិសាចក្រហមត្រូវម្ចាស់ផ្ទះ Southampton នាំមុខ ២-០ ត្រឹម២០នាទី។ គ្រូបង្វឹកដែលមានរហស្សនាមថា The Special One បានប្រាប់ BT Sport ក្រោយចប់ការប្រកួតថា តំបន់កណ្តាលរបស់លោក ខ្វះ "ឆ្កែឆ្កួត"។
លោកមានអារម្មណ៍ថាក្រុមរបស់លោកអត់ចេះ "ខាំ" ដោយពួកគេមិនយល់ ព្រោះព្យាយាមលេងដោយភ្ជាប់ខ្សែការពារដើម្បីសម្រុកគូបដិបក្ខ ទើបធ្វើឲ្យ២០ដំបូងសោះ Southampton រកបាន២គ្រាប់។
“យើងបាត់បាល់ជាច្រើននៅតំបន់កណ្តាល...។ យើងមិនមានច្រើន ខ្ញុំមានន័យថា យើងមិនមានឆ្កែឆ្កួតច្រើនតាមខាំបាល់គ្រប់ពេល"។ លោក Mourinho បាននិយាយ។
Man Utd ត្រូវបង្ខំចិត្តលេងប្រព័ន្ធ ៣-៥-២ ដែល Scott McTominay និង Nemanja Matic ត្រូវលេងការពារ ហើយ Pogba និង Herrera ត្រូវចាប់ដៃគ្នាជាមួយ Fellaini លេងនៅប្រព័ន្ធបម្រើ។
យ៉ាងណាក្តី ក្រុមបិសាចក្រហមអាចស្តារស្ថានការណ៍បានមកវិញ ដោយតាមបានស្មើ មុនចប់វគ្គទីមួយស៊ុតបញ្ចូលទីដោយLukaku នៅនាទី៣៣ និងHerrera នៅនាទី៣៩៕