មិន​ចាំបាច់រង់ចាំ​ទៀតទេ រថយន្ត Rolls-Royce តួ​ខ្ពស់ SUV ​ដំបូង មានលក់លើទីផ្សារ​កម្ពុជា​

  • 2018-12-04 03:51:55
  • ចំនួនមតិ 0 | ចំនួនចែករំលែក 2

ចន្លោះមិនឃើញ

​ក្រុមហ៊ុន​រ​ថយ​ន្ត Rolls-Royce Motor Cars Phnom Penh បាន​បង្ហាញឡាន SUV ប្រណិត​បំផុត​មាន​ឈ្មោះថា Cullinan ដែល​​ដាក់​​ឈ្មោះ​​តាម​​​ឈ្មោះ​​របស់​​គ្រាប់​ពេជ្រ​​ធំ​​បំ​ផុត​​ ព្រម​ទាំង​ប្រកាស​មាន​ឡាន​ផ្សេងៗ​របស់ Rolls-Royce ផង​ដែរ។

លោក Ian Grant នាយក​ផ្នែក​លក់​ប្រចាំ​តំបន់​អាស៊ី​ប៉ាស៊ីហ្វិក Rolls-Royce Motor Cars បាន​​និយាយ​ថា​ Cullinan ជា​រថយន្ត Rolls-Royce ដែល​មាន​ការ​រំពឹង​ចង់ឃើញ​បំ​ផុត​ក្នុង​ទីផ្សារ​កម្ពុជា ដោយ​មាន​លក្ខណៈ bespoke ហើយ​ប្រើប្រាស់​គ្រោង​តួ ដែល​ហៅថា ‘​ស្ថាបត្យកម្ម​ប្រណីត​’ ជួយ​ឲ្យ​ឡាន​​​មាន​ដំ​ណើ​រការ​ល្អ ​ផាសុកភាព និង​ប្រណីតភាព។

​លោក Herfried Hasenoehrl តំណាង​ក្រុមហ៊ុន HGB Group បាន​លើក​ឡើង​ថា ​ក្នុងនាម​ជា​ភ្នាក់ងារ​ចែកចាយ​តែ​មួយ​គត់​សម្រាប់រ​ថយ​ន្ត Rolls-Royce ក្នុង​ទីផ្សារ​កម្ពុជា លោក​មាន​ក្ដី​រំភើប​ និង​សូម​ស្វា​គមន៍​ការ​មកដល់​នៃ​ម៉ូ​ដែល Cullinan នេះ​។

ចំណុចពិសេសរបស់ឡានលំដាប់សេដ្ឋី Cullinan មាន​ដូចជា៖

  • ​​ខាងក្នុង​មាន​ជ​ម្រើ​ស ២​ ដោយកៅអី​ ៥ ផ្នែក​ខាង​​ក្រោយ​​អាច​បត់​ចុះទាំងស្រុង​​ដោយ​ស្វ័យ​ប្រវត្តិ ឬ​បត់​ជា​បំណែក 2/3 និង​ចំណែក 1/3 ក៏បាន និង​គូទ​រ​ថយ​ន្ត​មាន​ចំណុះ ៥៦០ លីត្រ ហើយ​អាច​បង្កើន​ដល់ ៦០០ លីត្រ បើ​ដក​ធ្នើឥ​វ៉ាន់ចេញ​

  • ប្រភេទ​កៅអី​ ៤ បំពាក់​កៅអី​ដាច់ដោយឡែក ដោយ​កៅអី​ក្រោយ​ខ័ណ្ឌ​ចែក​ដោយ​ស្នូក​កណ្ដាល​ដែល​មាន​បំពាក់​ទូរដាក់​កែវ ព្រម​ជាមួយនឹង​កែវ និង​ថូរ​ស្រា​វី​ស្គី កែវស្រា​សាំ​ប៉ា​ញ និង​ទូទឹកកក​ពី Rolls-Royce

  • ​បង្អែក​កៅអី​ទាំងអស់បង្កើតឡើង​ចេញពី​ស្បែក​តែមួយ​ផ្ទាំង ដើម្បី​ធ្វើ​ឲ្យ​មាន​ផ្ទៃរាង 3D

  • បំពាក់​​បច្ចេកវិទ្យា Bespoke ដែល​ឡាន​នឹង​បន្ទាបខ្លួន 40mm ដើម្បី​​ឲ្យងាយស្រួល​​ចេញ​ចូល ព្រម​ទាំង​មានបច្ចេកវិទ្យា​បិទទ្វារ​ដោយ​ស្វ័យប្រវត្តិ​ដោយ​គ្រាន់តែ​ចុច​លើ​ដៃ​ទ្វារ​

  • ប្រព័ន្ធ​ភ្លេង​បែប Bespoke ដែល​មាន​ធុងបាស់​ ១៨ កា​ណា​ល់​ ១៨ លំដាប់​ស្ទូ​ឌី​យោ ពូក​ខ្យល់ ប្រព័ន្ធ​ម៉ាស្សា និង​តុ​អាហារ​

  • ​ផ្នែក​សុវត្ថិភាព​ក៏​មាន​មុខងារ Night Vision (​មុខងារ​មើលផ្លូវ​ពេល​យ​ប់​) Vision Assist (​ជំនួយ​ភ្នែក​) រាប់បញ្ចូល​ទាំង​ប្រព័ន្ធ​បញ្ជូន​ដំ​ណឹ​ង​អំ​ពី​សត្វ អ្នក​ថ្មើរជើង​ទាំង​ពេល​ថ្ងៃ និង​ពេ​លយ​ប់ ប្រព័ន្ធ Alertness Assistant ប្រព័ន្ធ​កាមេរ៉ា​បួន ព្រម​ទាំង​ប្រព័ន្ធសុវត្ថិភាព និងបច្ចេកវិទ្យាទំនើបៗជាច្រើនទៀត។

សម្រាប់ព័ត៌មានបន្ថែម ក៏​ដូចជា​ចង់​ដឹង​ចំណុច​ពិសេស​ជាច្រើន​ទៀត​របស់​រ​ថយ​ន្ត Cullinan អាច​ទៅ​​អគារ​​តាំង​បង្ហាញ​​ផ្ទាល់​នៅ​ ​អគារ​លេខ 37 – 39 មហាវិថី​ព្រះ​មុនី​រ៉េត សង្កាត់​វាល​វង់ ខ័ណ្ឌ 7 មករា ​ភ្នំពេញ រៀងរាល់ថ្ងៃច័​ន្ទ-សុក្រ ម៉ោង ៨ ព្រឹក ដល់ ៥:៣០ ល្ងាច និង​​ថ្ងៃ​សៅរ៍​​ម៉ោង ៨ ព្រឹក ដល់ ១២ ថ្ងៃត្រង់​។ (​សម្រាប់​ថ្ងៃអាទិត្យ ត្រូវ​មាន​ការ​ណាត់​មុន)។


ឌី បុណ្ណារ៉ា