ប្លែក! ព្រឹត្តិការណ៍រត់ឆ្លងច្រើនឧបសគ្គដំបូងនៅកម្ពុជាឧបត្ថម្ភដោយ Under Armour
- 2018-12-04 04:53:55
- ចំនួនមតិ 0 | ចំនួនចែករំលែក 0
ប្លែក! ព្រឹត្តិការណ៍រត់ឆ្លងច្រើនឧបសគ្គដំបូងនៅកម្ពុជាឧបត្ថម្ភដោយ Under Armour
ចន្លោះមិនឃើញ
ព្រឹត្តិការណ៍ Breakthrough Barriers Dash ជាការប្រណាំងប្រជែងឆ្លងកាត់ច្រើនឧបសគ្គលើកដំបូងនៅកម្ពុជានឹងកក្រើកទីលាននៅរាជធានីភ្នំពេញ។ កម្មវិធីនេះត្រូវបានរៀបចំយ៉ាងពិសេសសម្រាប់ក្រុមគ្រួសារ និងអត្តពលិករត់ប្រណាំង យុវជន ក្មេងៗដែលជាបេសកកម្មប្លែកលើកដំបូងនៅកម្ពុជាក្នុងគោលបំណងលើកកម្ពស់សុខភាពក្នុងទីក្រុងដ៏មមាញឹក។
កីឡាប្រកួតប្រជែងមួយប្រភេទនេះត្រូវបានឧបត្ថម្ភជំនួយដោយម៉ាកសំលៀកបំពាក់កីឡាដ៏ល្បីល្បាញ របស់សហរដ្ឋអាមេរិក Under Armour និងរៀបចំដោយ The Idea Consultancy ដែលនឹងធ្វើឡើងនៅឯ AISPP ជាសាលាមានផ្ទៃដីទំហំ ៤ហិចតា ជិត ផ្សារទំនើបអ៊ីអនម៉លទី២ សាខាសែនសុខ នៅថ្ងៃសៅរ៍ ទី៨ ខែធ្នូ វេលាម៉ោង៨ ព្រឹកដល់ម៉ោង ១២ ថ្ងៃត្រង់ជាមួយនឹងវគ្គប្រកួតប្រជែងដែលចាប់ផ្តើមនៅម៉ោង៩ព្រឹក និងវគ្គប្រកួតប្រជែងផ្សេងដោយឡែកសម្រាប់កុមារ និងបេក្ខជនចុះឈ្មោះជាក្រុម។ ក្រុមគ្រួសារក៏អាចចូលរួមកម្សាន្តសប្បាយក្នុងថ្ងៃនេះជាមួយនឹងទំនិញ ម្ហូបអាហារ កន្លែងលំហែកម្សាន្ត និងវគ្គឧបសគ្គតូចៗសម្រាប់កុមារ។
វគ្គឧបសគ្គចម្ងាយ១គីឡូម៉ែត្រនេះតម្រូវឲ្យអ្នកចូលរួមឆ្លងកាត់ឧបសគ្គ៨ដំណាក់កាលដែលឧបត្ថម្ភដោយក្រុមហ៊ុនច្រើនដូចជា Hiruscar, Fly Phnom Penh, True Money, Rise Fitness, Pepsi, Under Armour, Sabay Media និង Sting។ ជ័យលាភីនៃការប្រណាំងនឹងទទួលបានប្រាក់រង្វាន់ជាង ១ ០០០ ០០០ រៀល រង្វាន់សំបុត្រទ្រីប៉ូលីនផាក និងរង្វាន់ផ្សេងៗជាច្រើនទៀត។
Walmax sports ជាអ្នកលក់ដូរកីឡាដែលទទួលបានសិទ្ធិចែកចាយផ្តាច់មុខសម្រាប់ Under Amour នៅកម្ពុជា។ Walmax Sports បានបើកហាងលក់សំលៀកបំពាក់កីឡា UA ដំបូងគេនៅ ខេត្តសៀមរាបនៅខែកញ្ញាឆ្នាំ២០១៧ បន្ទាប់មកគឺហាងប្រេនហោស្ស៍ UA ដំបូងនៅខែធ្នូឆ្នាំ ២០១៨ ។ ចំណែក The Idea Consultancy ជាក្រុមហ៊ុនសង្គមមួយដែលមានក្រុមអ្នកជំនាញពិគ្រោះយោបល់អាជីវកម្មពហុវិន័យ អ្នកវិភាគទិន្នន័យ អ្នកឌីហ្សាញ ពហុព័ត៌មាន វិស្វករគម្រោង អ្នកនិពន្ធ អ្នកបណ្តុះបណ្តាល និងអ្នករៀបចំព្រឹត្តិការណ៍។ The Idea បានរៀបចំនិងអនុវត្តដំណោះស្រាយសម្រាប់ រដ្ឋាភិបាល អង្គការក្រៅរដ្ឋាភិបាល សហគ្រាសសង្គម និងសាជីវកម្មនៅទូទាំងពិភពលោក។
តើអ្នកមានចំណាប់អារម្មណ៍ក្នុងការចូលរួម Breakthrough Barriers Dash នៅឆ្នាំក្រោយសម្រាប់ការឧបត្ថម្ភនិងការចូលរួម?
សម្រាប់ពត័មានបន្អែម