ភ្ញាក់តិចអី! iPhone XS និង iPhone X ចាញ់គេ តាំងពីទឹកទីមួយ
- 2018-12-05 01:55:27
- ចំនួនមតិ 0 | ចំនួនចែករំលែក 0
ភ្ញាក់តិចអី! iPhone XS និង iPhone X ចាញ់គេ តាំងពីទឹកទីមួយ
ចន្លោះមិនឃើញ
YouTuber ជំនាញខាងវាយតម្លៃលើផលិតផលបច្ចេកវិទ្យាឈ្មោះ Marques Brownlee បានបង្កើតការប្រកួតសមត្ថភាពថតរូបលើស្មាតហ្វូនចំនួន ១៦ ម៉ូដែលផ្សេងៗគ្នា ដែលបានចេញអំឡុងឆ្នាំ ២០១៧ និង ២០១៨។
ការប្រកួតនេះមានឈ្មោះថា “The Blind Smartphone Camera Test 2018” ដែលអ្នកគាំទ្ររបស់ Marques មានសិទ្ធបោះឆ្នោតរើសយករូបភាពណាមួយដែលខ្លួនពេញចិត្ត ដោយមិនបង្ហាញថារូបភាពនោះថតចេញពីស្មាតហ្វូនម៉ូដែលណាឡើយ។
ចំពោះតង់ទីមួយ Marques បានដាក់ Palm Phone ប្រកួតជាមួយ Huawei Mate 20 Pro, Razer Phone 2 ប្រកួតនឹង OnePlus 6T, LG V40 ប្រកួតនឹង Pixel 2, iPhone XS ប្រកួតនឹង BlackBerry KEY2, Pixel 3 ជាមួយ P20 Pro, RED Hydrogen One ប្រកួតនឹង Moto Z2, Galaxy Note 9 ប្រកួតនឹង HTC U12+ និង iPhone X ប្រកួតនឹង Pocophone។
ស្មាតហ្វូនដែលអាចឈ្នះទៅប្រកួតនៅតង់ទីពីរគឺ Mate 20 Pro ប្រកួតនឹង Razer Phone 2, LG V40 ប្រកួតនឹង BlackBerry KEY2, P20 Pro ប្រកួតនឹង RED Hydrogen One និង Galaxy Note 9 ប្រកួតនឹង Pocophone។
ជុំបន្ទាប់គឺ Mate 20 Pro ប្រកួតនឹង BlackBerry KEY2 និង RED Hydrogen One ប្រកួតនឹង Pocophone។ ជុំចុងក្រោយពេល Mate 20 Pro ត្រូវប្រកួតនឹង Pocophone គឺ Mate 20 Pro ជាអ្នកទទួលបានជ័យជម្នះ។
ឆ្លងកាត់ការប្រកួតនេះគេភ្ញាក់ផ្អើលជាខ្លាំង ដោយសារ iPhone XS និង iPhone X បានចាញ់គូប្រកួតតាំងពីនៅជុំទីមួយ ហើយគូប្រកួតទាំងពីរសុទ្ធតែមានតម្លៃធូរថ្លៃជាងខ្លួន។ Marques បាននិយាយថារូបភាពដែលមានពន្លឺភ្លឺតែងបាននាំមុខក្នុងការបោះឆ្នោតជានិច្ច ហើយនេះជាចំណុចមួយធ្វើឲ្យ iPhone XS និង iPhone X ត្រូវគេផ្ដួលបានដោយងាយ៕
ចុចអាន៖