គួរឲ្យសរសើរ! ប្រធានាធិបតីម៉ិកស៊ីកូ ធ្វើតាមសន្យាជិះយន្ដហោះដឹកអ្នកដំណើរ ព្រោះហេតុផល១
- 2018-12-05 02:18:08
- ចំនួនមតិ 0 | ចំនួនចែករំលែក 0
គួរឲ្យសរសើរ! ប្រធានាធិបតីម៉ិកស៊ីកូ ធ្វើតាមសន្យាជិះយន្ដហោះដឹកអ្នកដំណើរ ព្រោះហេតុផល១
ចន្លោះមិនឃើញ
រយៈពេលតែបីថ្ងៃប៉ុណ្ណោះក្រោយចូលកាន់តំណែង ប្រធានាធិបតីថ្មីម៉ិកស៊ីកូលោក Andres Manuel Lopez Obrador បានធ្វើតាមសន្យានៃយុទ្ធនាការរបស់ខ្លួនរួចមកហើយ។
លោក Lopez Obrador បានដាក់លក់យន្ដហោះប្រធានាធិបតីរបស់ខ្លួនប្រភេទ Boeing 787-8 Dreamliner TP-01 ដើម្បីយកលុយមកជួយសហគមន៍ក្រីក្រក្នុងប្រទេសវិញ។ នៅក្នុងវីដេអូមួយដែលបង្ហោះក្នុងបណ្ដាញសង្គម Twitter កាលពីខែកញ្ញា ប្រធានាធិបតីរូបនេះថ្លែងថា "ខ្ញុំនឹងមិនជិះយន្ដហោះប្រធានាធិបតីនោះទេ។ ខ្ញុំនឹងអាម៉ាស់មុខខ្លាំងណាស់ ប្រសិនបើខ្ញុំជិះយន្ដហោះប្រណីតបែបនេះ ខណៈប្រទេសរបស់ខ្ញុំកំពុងរស់នៅជាមួយភាពក្រីក្រ។”
ដោយគោរពតាមពាក្យសម្ដីរបស់ខ្លួន រយៈពេលត្រឹមមួយថ្ងៃក្រោយឡើងកាន់តំណែង លោក Lopez Obrador បានជិះយន្ដហោះជាមួយអ្នកដំណើរដទៃទៀតទៅកាន់រដ្ឋ Veracruz។ រូបថតជាច្រើនបង្ហាញថា លោកបានធ្វើដំណើរដូចអ្នកដំណើរដទៃទៀតបើទោះបីជាខ្លួនជាប្រធានាធិបតីក៏ដោយ៕