យុវជនវូស៊ូរូបនេះប្ដេជ្ញា នឹងសម្រេចក្ដីសុបិនយកមេដាយមាសស៊ីហ្គេមឆ្នាំ២០២៣
- 2018-12-05 03:02:01
- ចំនួនមតិ 0 | ចំនួនចែករំលែក 0
យុវជនវូស៊ូរូបនេះប្ដេជ្ញា នឹងសម្រេចក្ដីសុបិនយកមេដាយមាសស៊ីហ្គេមឆ្នាំ២០២៣
ចន្លោះមិនឃើញ
កីឡាករជម្រើសជាតិប្រភេទកីឡាវូស៊ូ រ៉ុង ភិរុណ បានប្ដេជ្ញាប្រឹងប្រែងហ្វឹកហាត់ប្រភេទកីឡាមួយនេះឲ្យបានខ្លាំងបំផុត ដើម្បីអាចធានាយកបានការឈ្នះមេដាយមាសជូនកម្ពុជាក្នុងប្រភេទកីឡាស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះ។
យុវជនវ័យ ១៨ឆ្នាំរូបនេះកំពុងត្រៀមខ្លួនយ៉ាងល្អ ដើម្បីចេញទៅប្រកួតព្រឹត្តិការណ៍ស៊ីហ្គេមនៅហ្វីលីពីនឆ្នាំក្រោយ។ ប៉ុន្តែការចេញទៅលើកទី១នេះរូបគេមិនហ៊ានសន្យាយកមេដាយបានឡើយ។
ប៉ុន្តែនៅឆ្នាំ២០២៣កីឡាករកើតនៅក្រុងភ្នំពេញរូបនេះមានក្ដីស្រមៃមួយគឺចង់ឈ្នះមេដាយមាសលើប្រភេទកីឡាមួយនេះឲ្យបាន ដើម្បីមុខមាត់ប្រទេសជាតិ។ ជាងនេះទៅទៀត ភិរុណ ក៏បានសន្យាថា នឹងប្រឹងប្រែងហ្វឹកហាត់ឲ្យបានខ្លាំងបំផុត ដើម្បីអាចមានភាគរយឈ្នះមេដាយមាសតាមក្ដីស្រមៃរបស់ខ្លួន។
រ៉ុង ភិរុណ បានចូលខ្លួនហ្វឹកហាត់កីឡាវូស៊ូចំនួន ៦ ឆ្នាំមកហើយ។ ឆ្នាំ២០១៩ ជាលើកទី១ ដែលរូបគេ នឹងត្រូវចេញទៅប្រកួតតំណាងឲ្យកម្ពុជា ក្នុងព្រឹត្តិការណ៍កីឡាស៊ីហ្គេមនៅហ្វីលីពីន៕
សកម្មភាពសម្ដែងក្នុងពីធីបិទវគ្គការប្រកួតជ្រើសរើសជើងឯកថ្នាក់ជាតិម្សិលមិញ៖