ដោយសារភាពស្មោះត្រង់ តាសុំទានម្នាក់ ទទួលប្រាក់ ១០០០ ដុល្លារ

2014-11-16 18:12:22
ចំនួនមតិ 0 | ចំនួនចែករំលែក 0

ចន្លោះមិនឃើញ

Honesty Is The Best Policy ជាពាក្យស្លោកមួយដែលមនុស្សជាច្រើនតែងតែជួបប្រទះជាញយដង។ មួយឃ្លានេះចង់បានន័យឲ្យមនុស្សទាំងអស់ដឹងថាភាពស្មោះត្រង់គឺជាដុំមាសដ៏មានតម្លៃ ដែលយើងរាល់គ្នាត្រូវតែមាន។ព្រោះតែភាពស្មោះត្រង់នេះហើយ ទើបធ្វើឲ្យលោកតាម្នាក់ត្រូវបានគេស្គាល់ថាជាអ្នកសុំទាន ទទួលបានប្រាក់ចំនួន ១០០០ ដុល្លារ ដោយសារតែគាត់រើសបានកាបូបរបស់បុរសម្នាក់ ហើយយកទៅអោយបុរសនោះវិញ។

តាមការពិតទៅបុរសដែលជ្រុះកាបូបនោះគឺធ្វើជាធ្លាក់នោះទេ ដោយគាត់រួមនឹងមិត្តភក្តិម្នាក់ទៀតចង់ពិសោធរកអ្នកសុំទានឬជនដែលគ្មានផ្ទះសម្បែងណាដែលស្មោះត្រង់បំផុត ហើយនឹងផ្ដល់ប្រាក់តបស្នងចំពោះភាពស្មោះត្រង់របស់ពួកគេ។

រយៈពេល៥ថ្ងៃមកហើយដែលពួកគេទាំងពីរនាក់បានធ្វើពិសោធបែបនេះ ដោយម្នាក់ជាអ្នកលួចថតវីដេអូ តែនៅមិនទាន់រកឃើញអ្នកសុំទានស្មោះត្រង់សោះ។ រហូតដល់ថ្ងៃទី៥ទើបជួបលោកតាម្នាក់ដែលសឹងតែគ្មានប្រាក់ទិញបាយហូប។ គាត់មានភាពស្មោះត្រង់បំផុត ដោយក្រោយពេលរើសបានកាបូបបុរសនោះទាំងមិនទាន់បានបើកមើលថាក្នុងកាបូបមានលុយឬអត់នោះទេ ហើយក៏បានស្រែកហៅប្រាប់ថាគាត់បានជ្រុះកាបូប។

លោកតាសឹងតែស្រក់ទឹកភ្នែកពេលដែលបុរសទាំងពីរឲ្យប្រាក់ចំនួន ១០០០ ដុល្លារសម្រាប់ភាពស្មោះត្រង់ដែលកម្រនឹងមានបែបនេះ៕ ចង់ដឹងកាន់តែច្បាស់មើលវីដេអូទាំងអស់គ្នា៖