តិចអត់ជឿ បច្ចេកវិទ្យានេះ អាចធ្វើទូកយកទៅបត់ទុកបាន!

2018-12-11 04:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពីរបីឆ្នាំមុន Oru Kayak បានចេញទូកបត់បាន អាចដាក់ក្នុងទូ ងាយស្រួលទាំងការដឹកជញ្ជូន និងប្រើប្រាស់។ គំនិតច្នៃប្រឌិតរបស់ក្រុមហ៊ុនជាចម្បងបានពីសិល្បៈជប៉ុន Origami ដែលមានការណែនាំពីការបត់ប្លាស្ទិក។ ប៉ុន្តែបច្ចុប្បន្ន Oru Kayak មានគូប្រជែងថ្មីជាមួយនឹង Onak 2.0 ដែលមានគំរូស្រដៀងគ្នាចំពោះទូកអាចបត់បាន។

Onak 2.0 បានរចនាទូកស្រាល ងាយស្រួលដឹកជញ្ជូន និងកាន់តែងាយស្រួលទុកដាក់ ដោយមានទម្ងន់ត្រឹម ៣៣ ផោន។ ពេលបត់ទូកមានប្រហែលត្រឹម ៤៨.៤ អ៊ីង និងទទឹង ១៦.៩ អ៊ីង។ ការរៀបចំដំឡើង Onak 2.0 ប្រើពេលត្រឹមពីរបីនាទី ហើយពេលពន្លា មានប្រហែល ១៥ ហ្វីត និងទទឹង ២.៥ ហ្វីត។ ទំហំប៉ុណ្ណឹងងាយស្រួលប្រើប្រាស់លើទឹក អាចទប់លំនឹងពេលប្រើប្រាស់បានល្អ ស្ថិតនៅស្ថានភាពទឹកនានា។

សមាសធាតុប្រើប្រាស់រឹងមាំជាងអាលុយមីញ៉ូម អាចបត់បែនបានមិនបារម្ភបាក់បែក។ ក្រុមហ៊ុនការងារ Onak 2.0 រំពឹងពីប្រាក់បន្ថែមចំនួន ៥៦ ៧៣៨ ដុល្លារ ដើម្បីឲ្យទូ (Canoe) មានសង្វាក់ផលិតកម្ម។ បើជោគជ័យ នឹងមានវត្តមានលើទីផ្សារក្នុងខែមេខា ឆ្នាំ ២០១៩ ហើយតម្លៃប្រហែល ១ ៩៣០ ដុល្លារ៕