នេះលេងមែនទែន! Xiaomi ត្រៀមប្រកាសស្មាតហ្វូនកាមេរ៉ា 48MP ធូរថ្លៃក្រោម ៣០០ ដុល្លារ

2018-12-11 11:28:19
ចំនួនមតិ 0 | ចំនួនចែករំលែក 0

ចន្លោះមិនឃើញ

នាយកគ្រប់គ្រង Xiaomi លោក Lin Bin បានបង្ហើបពីរឿងរ៉ាវថាក្រុមហ៊ុនខ្លួនកំពុងឈរលើការអភិវឌ្ឍស្មាតហ្វូនមានបំពាក់កាមេរ៉ាទំហំ 48MP ដែលកៀកនឹងបង្ហាញខ្លួនអំឡុងខែក្រោយនេះ។

របាយការណ៍មួយផ្សេងទៀតចុះផ្សាយមុននេះបន្តិចឲ្យដឹងថាក្រុមហ៊ុនយក្សប្រទេសចិននឹងប្រកាសស្មាតហ្វូនសេរ៊ី Redmi ដោយមានការរចនាបង្កប់កាមេរ៉ាមុខលើអេក្រង់ផ្នែកខាងឆ្វេង ស្រដៀងនឹងរចនាបថលើ Huawei nova 4, Honor View 20 និង Samsung Galaxy A8s។

ជាពិសេសនៅផ្នែកខាងក្រោយនឹងស្រោបដោយសារធាតុកញ្ចក់ ខណៈខាងមុខជាអេក្រង់ LCD ផ្គត់ផ្គង់ដោយក្រុមហ៊ុនស្ថិតក្នុងមូលដ្ឋានតែមួយគឺ BOE រំពឹងមានប្រើប្រាស់កាមេរ៉ា ៣ គ្រាប់នៅខាងក្រោយ ដោយមានមួយទំហំ 48MP និងផ្សេងទៀតជាប្រភេទលែន Super Wide-Angle មកព្រមគ្នា។

ចំពោះតម្លៃស្មាតហ្វូនធុនកណ្តាលគ្រងប្រើប្រាស់បន្ទះឈីប Snapdragon 675 ម៉ូឌែលនេះនឹងដាក់លក់ត្រឹមតម្លៃ ២ ០០០ យ័ន្តឬជាង ២៨៩ ដុល្លារ តែប៉ុណ្ណោះ។