ស្ងាត់ៗ Xiaomi វ៉ៃចូលផលិតផលថ្មី ៣ ក្នុងទីផ្សារសហរដ្ឋអាមេរិក

2018-12-11 13:30:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនយក្សប្រទេសចិន Xiaomi បាននាំយកនូវផលិតផលថ្មីចំនួន ៣ ចូលទៅក្នុងទីផ្សារសហរដ្ឋអាមេរិក តាមរយៈការចេញផ្សាយក្នុងព្រឹត្តិការណ៍មួយនៅទីក្រុង New York កាលពីថ្ងៃសុក្រសប្តាហ៍មុន។

ផលិតផលទាំងនោះមានដូចជាឧបករណ៍សាកឥតខ្សែ Mi Wireless Charging Pad, កាមេរ៉ាសុវត្ថិភាព Mi Home Security Camera និងមនុស្សយន្ត Mi Robot Builder Rover ដោយពុំមានការប្រកាសនូវស្មាតហ្វូនថ្មិណាមួយនោះឡើយ។

សម្រាប់ឧបករណ៍សាកឥតខ្សែមានគាំទ្រប្រព័ន្ធសាក Qi អាចសាករហ័សជាមួយថាមពលបញ្ចេញ ១០ វ៉ាត់ អាចដំណើរការជាមួយស្មាតហ្វូនភាគច្រើនការពារការកើនឡើងកម្តៅ។

ទៅមើល Mi Robot Builder Rover ឯណោះវិញផ្គុំឡើងពី ១ ០៨៦ បំណែកដែលអ្នកអាចធ្វើការបញ្ជាប្រើប្រាស់បានតាមរយៈ App លើទូរសព្ទទាំង iOS និង Android។ រចនាទម្រង់ 3-in1 អាចផ្លាស់ប្តូរទៅជា Rover, ម៉ាស៊ីនកាយដី និង រថក្រោះតាមការស្រលាញ់ចូលចិត្តរបស់អតិថិជន។

ចុងក្រោយ Mi Home Security ជាប្រភេទកាមេរ៉ាមើលបាន ៣៦០ ដឺក្រេ ផ្តល់ជូនកម្រិតបង្ហាញ ១០៨០p ដោយមានមុខងារត្រួតពិនិត្យ Night Vision ដ៏ឆ្លាតវៃ និងផ្តល់ជូនប្រព័ន្ធសំឡេងអាចឆ្លើយឆ្លងជាមួយអ្នកនៅទីតាំងម្ខាងទៀត។ ចំពោះតម្លៃនិងកាលបរិច្ឆេទចេញលក់ច្បាស់ការ Xiaomi សូមលាក់ទុកសិន តែបង្ហើបថានឹងមានក្នុងពេលឆាប់ៗនេះ។