Ronaldo មិនអាចជួយ Juventus ឈ្នះប្រកួតចុងក្រោយបាន
- 2018-12-13 00:45:02
- ចំនួនមតិ 0 | ចំនួនចែករំលែក 0
Ronaldo មិនអាចជួយ Juventus ឈ្នះប្រកួតចុងក្រោយបាន
ចន្លោះមិនឃើញ
Juventus បានប្រកួតបិទពូលH ទាំងជូរចត់បន្ទាប់ពីចាញ់ក្រុមបាតតារាង Young Boys ដោយលទ្ធផល ១ទល់នឹង២កាលពីយប់មិញ។
ក្រុមរហស្សនាមថាសេះបង្កង់បានផ្លាស់ប្ដូរជម្រើសដំបូងមួយចំនួនចេញប៉ុន្តែខ្សែប្រយុទ្ធសំខាន់ដូចជា Mario Mandžukić និង Ronaldo នៅតែមានឈ្មោះក្នុងបញ្ជី១១នាក់របស់លោក Allegri។ ជំនួបនៅកីឡដ្ឋាន Suisse Wankdorf ម្ចាស់ផ្ទះមានឱកាសស៊ុត២គ្រាប់ដោយថ្វីជើងកីឡាករ Hoarau ទាំងពីរនៅនាទី៣០ និង៦៨។
Paulo Dybala ដែលប្ដូរចូលជំនួសខ្សែការពារ De Sciglio នោះបានស៊ុតឲ្យ Juventus បាន១គ្រាប់វិញនៅនាទី៨០ ហើយលទ្ធផល២ ទល់នឹង១នេះគ្មានការប្រែប្រួលទេត្រូវរក្សារហូតដល់ចប់ការប្រកួត។ ទោះចាញ់មែនតែ Juventus នៅតែឈរលេខ១ដោយសារ Manchester United បានចាញ់ Valencia ២-១ ដូចគ្នា៕