ផ្លូវការ! YouTube Rewind 2018 ជាវីដេអូមានអ្នកមិនចូលចិត្តច្រើនបំផុតក្នុងលោក

2018-12-14 02:04:23
ចំនួនមតិ 0 | ចំនួនចែករំលែក 0

ចន្លោះមិនឃើញ

YouTube Rewind 2018 ដែលជាវីដេអូផលិតដោយបណ្ដាញ YouTube ផ្ទាល់ ដោយបានរៀបរាប់ពីស្ថានភាពធំៗកន្លងមកកើតមានលើ YouTube ពេលនេះបានក្លាយជាវីដេអូមានចំនួនអ្នកមិនចូលចិត្តច្រើនជាងគេបំផុត។

ក្រោយពីចេញផ្សាយបានប្រមាណ ១ សប្ដាហ៍ វីដេអូនេះទទួលបានចំនួនមិនចូលចិត្ត (Dislike) ១០,៩ លាន។ វីដេអូចម្រៀង Baby របស់ Justin Bieber ដែលធ្លាប់គ្រងតំណែងលេខមួយលើចំនួន Dislike នេះ បច្ចុប្បន្នមាន Dislike ចំនួន ៩,៨ លាន ដែលវីដេអូនេះចេញផ្សាយប្រហែល ៨ ឆ្នាំមកហើយ។

អ្នកតំណាង YouTube បានចេញផ្សាយសេចក្ដីថ្លែងការណ៍ថា ៖ "ទម្លាក់បទចម្រៀង Baby មិនមែនជាគោលដៅរបស់យើងនោះទេ។ ការបញ្ចេញមតិត្រង់ៗអាចប៉ះពាល់ទឹកចិត្ត ប៉ុន្តែយើងនៅតែទទួលយក និងត្រេកអរដែលមានមនុស្សជាច្រើនខ្វល់ខ្វាយពីវីដេអូនេះ”។

គួរដឹងហេតុផលដែលធ្វើឲ្យវីដេអូនេះមានអ្នកមិនចូលចិត្តច្រើន ដោយសារតែអ្នកផលិតវីដេអូដែលធ្វើឲ្យកក្រើកបណ្ដាញ YouTube នៅឆ្នាំ ២០១៨ ភាគច្រើន មិនមានលេចមុខក្នុងវីដេអូ “YouTube Rewind 2018” នេះ។ ផ្ទុយទៅវិញបែរជាបង្ហាញមុខ Will Smith និង YouTuber មិនសូវល្បីមួយចំនួន រួមទាំងបង្ហាញពីហ្គេម Fortnite ច្រើនហួស៕

ចុចអាន៖

ប្រភព៖ The Verge ប្រែសម្រួល៖ សុខហេង