Guadiola ៖ ប្រជែងយកពាន Premier League តានតឹងដូចប្រកួត Barca-Madrid
- 2018-12-15 06:40:11
- ចំនួនមតិ 0 | ចំនួនចែករំលែក 0
Guadiola ៖ ប្រជែងយកពាន Premier League តានតឹងដូចប្រកួត Barca-Madrid
ចន្លោះមិនឃើញ
គ្រូបង្វឹក Man City លោក Pep Guardiola ជឿថាការប្រកួតប្រជែងដើម្បីដណ្ដើមពាន Premier League គឺស្រដៀងគ្នាទៅនឹងអ្វីដែលលោកធ្លាប់មានក្នុងជំនួបស៊ីសាច់ហុតឈាមរវាង Barcelona និង Real Madrid នៅ La Liga។
Guardiola បានជួយ Barca លើកពាន La Liga ៣លើកជាប់ៗគ្នាក្នុងរយៈពេល៤រដូវកាលដែលលោកដឹកនាំក្លឹបកាតាឡាន់នៅអេស្ប៉ាញ ពោលគឺក្នុងឆ្នាំ ២០០៩, ២០១០ និង ២០១១ មុនពេលដែលគូប្រជែងធំ Real Madrid ឆក់បានឱកាសលើកពានក្នុងឆ្នាំ ២០១២។
គ្រូបង្វឹកសញ្ជាតិអេស្ប៉ាញមើលឃើញពីការប្រកួតដ៏ស្វិតស្វាញស្រដៀងគ្នានេះ ដោយឆ្លងកាត់១៦ប្រកួតកន្លងមក Man City មានក្រុមខ្លាំងជាច្រើនសុទ្ធតែកំពុងប្រទាញប្រទង់នៅកំពូលតារាងដូចយ៉ាង៖ Liverpool, Spurs, Chelsea និង Arsenal ជាដើម ហើយខុសគ្នាពី La Liga ដែលមានគូប្រជែងធំតែមួយពីរប៉ុណ្ណោះ។
គ្រូបង្វឹកវ័យ៤៧ឆ្នាំបាននិយាយថាសម្ពាធដែលត្រូវតែឈ្នះគ្រប់ការប្រកួត ដូចអារម្មណ៍ដែលលោកធ្លាប់មាននៅ Barca។
“មិនត្រឹមតែ Liverpool ទេសូម្បីតែ Chelsea, Tottenham, Arsenal និង [Manchester] United សុទ្ធតែអាចមកដណ្ដើមកន្លែងយើងគ្រប់ពេល។ តែអារម្មណ៍នេះ ស្រដៀងគ្នាទៅ Madrid ដែលតែងតែចង់ឈ្នះរាល់ការប្រកួត ហើយយើងដឹងថា យើងត្រូវតែឈ្នះ។ យើងអាចចាញ់ប្រកួតទល់នឹង Real Madrid ប៉ុន្តែយើងត្រូវតែឈ្នះក្រុមផ្សេង..."។ លោក Guardiola បាននិយាយ។
អតីតគ្រូបង្វឹក Barcelona រូបនេះបាននិយាយថា Liverpool ចិញ្ចឹមចិត្តលើកពានលីគកំពូលអង់គ្លេសជាលើកទី១របស់ខ្លួនក្រោយខកខានមិនបានស្គាល់រសជាតិពាននេះ ចាប់តាំងពីលើកចុងក្រោយក្នុងឆ្នាំ ១៩៩០។
លោក Guardiola ជាគ្រូបង្វឹកម្នាក់ដែលគេចាត់ទុកថាជោគជ័យគ្រប់ទីកន្លែង ដោយធ្លាប់បានជួយ Barcelona លើកពាន La Liga ៣ដងក្នុងរយៈពេល៤រដូវកាល ជួយ Bayern Munich លើកពាន Bundesliga ៣លើកជាប់ៗគ្នា និង ចុងក្រោយមកជួយ Man City លើកពាន Premier Leauge ២លើកក្នុងរយៈពេល៣រដូវកាលចុងក្រោយនេះ៕