លោក SIR ALEX Ferguson  អង្គុយ​ទស្សនា​ទាំង​ទឹក​មុខ​មិន​សប្បាយ​ចិត្ត ពេល Manchester United បរាជ័យ​ដោយ​សារ​ Liverpool លទ្ធផល ៣-១ កាល​ពី​យប់​មិញ។

Sadio Mane ជា​អ្នក​រក​គ្រាប់​ដំបូង​ឲ្យ Liverpool មុន​ពេល Jesse Lingard តាម​ស្មើ​ឲ្យ​ Man Utd វិញ។ យ៉ាងណា​នៅ​ចុង​ម៉ោង​កីឡាករ​បម្រុង Xherdan Shaqiri រក​បាន​២​គ្រាប់​បន្ថែម គ្រប់គ្រាន់​ឲ្យ​ក្រុម​ហង្សក្រហម​យក​ឈ្នះ​បិសាច​ក្រហម។

ជ័យជម្នះ​​នេះ​ធ្វើ​ឲ្យ Liverpool ​វ៉ា​ Man City មួយ​ពិន្ទុឡើង​​ទៅ​កំពូល​តារាង​វិញ ឯ Man Utd ស្ថិត​នៅ​លេខ​៦​ឯណោះ​​ឆ្ងាយ​ពី​ក្រុម​លេខ​មួយ​ដល់​១៩​ពិន្ទុ។ ក្នុង​ការ​ប្រកួត​នេះ​អតីត​អ្នក​ចាត់​ការ​របស់​ Manchester United លោក SIR ALEX ក៏​បាន​ទៅ​ទស្សនា​ផ្ទាល់។ តែ​លោក​បាន​ត្រឹម​ខក​ចិត្ត​គ្រវី​ក្បាល នៅ​ពេល​ដែល​ក្រុម​លោក​ត្រូវ​គេ​​ទាត់​ចូល​២​គ្រាប់​ចុង​ម៉ោង និង​លេង​ទាំង​លំបាក​ជាមួយ Liverpool៕

អត្ថបទ៖ ហេង សុធារិទ្ធិ