ឆ្នាំនេះប្លែក ច្នៃiPhone XS Max ខ្នងក្រោយស្រោបApple Watch Series 4 តែតម្លៃកុំមើល!

2018-12-17 12:44:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ជារៀងរាល់ឆ្នាំក្រុមហ៊ុនរុស្ស៊ី Caviar បាននាំយកគំនិតច្នៃប្រឌិតថ្មីនៃការលេងតួខ្លួន iPhone ជំនាន់ក្រោយរបស់ Apple ជាមួយមាសសុទ្ធ។ ស្រដៀងគ្នានឹងឆ្នាំនេះ Caviar ក៏បញ្ចេញនូវម៉ូឌែល iPhone XS Max ជំនាន់ពិសេស Swiss Dreams Watchphone ពិសេសត្រង់ខ្នងខាងក្រោយស្រោបជាមួយម៉ាស៊ីន Apple Watch Series 4 លាយឡំសុទ្ធតែទឹកមាសយ៉ាងស៊ីវិល័យ។

ជាមួយនឹងការដាក់បន្ថែមនូវនាឡិកាជំនាន់ចុងក្រោយ ទូរសព្ទ iPhone XS Max ម៉ូឌែលនេះមានតម្លៃរាងខ្ពស់បន្តិច ថ្លៃដល់ទៅ ២១ ០៥០ ដុល្លារ។ យ៉ាងណាមិញតាមគំនិតរចនាខាងលើ មតិជាច្រើនជឿជាក់ថា Caviar ត្រឹមឈរលើគោលដៅនៃការលំអនិងភាពប្រណីតជាធំ ពោលគឺមិនគិតដល់ប្រយោជន៍នៃការប្រើប្រាស់នោះឡើយ។

ហ៊ានលើកឡើងបែបនេះគឺត្រង់ថាការដែលម៉ាស៊ីន Apple Watch Series 4 ត្រូវទៅស្រោបជាប់នៅខ្នងក្រោយនៃ iPhone XS Max ដូច្នោះអ្នកប្រើប្រាស់បានត្រឹមឆែកមើល Notificion និងការប្រើមួយផ្នែកតូច ផ្ទុយទៅវិញដូចជាការតាមដានផ្នែកសុខភាព និងការត្រួតពិនិត្យសកម្មភាពធ្វើលំហាត់ប្រាណគឺមិនអាចយកជាការទេ អ្វីដែលជាចម្ងល់ចាក់ដោតតើយើងអាចសាកបញ្ចូលថ្មនាឡិកាដោយរបៀបណាឬមានវិធីដោះដាក់មកសាកបាន ទាំងនេះជាសំណួរដែលរង់ចាំការឆ្លើយតបលម្អិតពីក្រុមហ៊ុន Caviar។