ថា Miss Universe ឆ្នាំ ២០១៨ ទៅស្អាត មិត្តប្រុសរបស់នាង ក៏សង្ហាខ្លាំងមិនធម្មតាដែរ
- 2018-12-18 02:25:54
- ចំនួនមតិ 0 | ចំនួនចែករំលែក 0
ថា Miss Universe ឆ្នាំ ២០១៨ ទៅស្អាត មិត្តប្រុសរបស់នាង ក៏សង្ហាខ្លាំងមិនធម្មតាដែរ
ចន្លោះមិនឃើញ
ជាមួយនឹងរូបសម្រស់ បូករួមទាំងទេពកោសល្យដ៏ប៉ិនប្រសប់ទៀតនោះ បេក្ខនារី Catriona Gray បានធ្វើឲ្យគណៈកម្មការបាក់ចិត្តព្រមប្រគល់មកុដ Miss Universe ប្រចាំឆ្នាំ ២០១៨នេះជូនទៅនាង។ ក្រោយព័ត៌មាននៃការទទួលជយលាភីប្រចាំឆ្នាំនេះ Miss Universe ប្រចាំឆ្នាំ ២០១៨ រូបនេះ បានធ្វើឲ្យមហាជនជាច្រើនងាកមកចាប់អារម្មណ៍លើជីវិតគូស្រកររបស់នាងវិញ ក្រោយពួកគេបានដឹងថា តារាសម្ដែង និងម៉ូដែលកូនកាត់ហ្វីលីពីន-អាល្លឺម៉ង់ Clint Bondad ត្រូវជាមិត្តប្រុសរបស់នាងនោះ។
នៅក្នុងវគ្គផ្ដាច់ព្រ័ត្រនៃកម្មវិធីប្រកួត Miss Universe ឆ្នាំ ២០១៨នេះ តារាសម្ដែង Clint ក៏មានវត្តមានចូលរួមផងដែរ។ លោកបានប្រាប់អ្នកសារព័ត៌មានថា៖ "ខ្ញុំមិនទាន់មានឱកាសនិយាយជាមួយនាងនៅឡើយទេ ប៉ុន្តែកាលពីយប់មិញនេះ នាងពិតជាអស្ចារ្យខ្លាំងណាស់ ទោះជាលទ្ធផលយ៉ាងណាក៏ដោយ"។
ជាមួយគ្នានេះដែរ អ្នកគាំទ្របានសង្កេតឃើញថា នៅលើគណនី Instagram របស់តារាសម្ដែងប្រុសសង្ហារូបនេះ លោកបានបង្ហោះរូបភាពគួរឲ្យស្រឡាញ់ជាមួយ Catriona អមជាមួយសារជូនពរឲ្យនាងជួបតែសំណាងល្អក្នុងការប្រកួត។ បន្ថែមពីនេះទៀត លោកក៏បានចែកចាយកម្រងរូបភាពអនុស្សាវរីយ៍របស់ពួកគេ អំឡុងជួបជាមួយមិត្តស្រីរបស់លោកជាលើកដំបូង។ គួរបញ្ជាក់ដែរថា គូស្នេហ៍តារាមួយគូនេះ បានជួបទាក់ទងគ្នាដំបូង ពេលពួកគេមានវ័យ ១៨ឆ្នាំ ខណៈចូលរួមថតស្ប៉តផ្សាយពាណិជ្ជកម្មមួយកាលពីឆ្នាំ ២០១២៕
ទស្សនារូបភាពខាងក្រោម៖