សល់តែ ៣ក្លឹបទេមិនទាន់ស្គាល់ពាក្យថាចាញ់ក្នុងប្រកួតរបស់លីគកំពូលទាំង ៥

2018-12-19 11:20:50
ចំនួនមតិ 0 | ចំនួនចែករំលែក 0

ចន្លោះមិនឃើញ

តាំងពីបើករដូវកាល ២០១៨/១៩ នៅខែសីហាមក ក្លឹបក្នុងលីគកំពូលទាំង៥ទាំងអស់បានឆ្លងកាត់ ១៦-១៧ ប្រកួតមកហើយ ក្នុងពាក់កណ្ដាលខែធ្នូនេះ។ គិតត្រឹមពេលនេះដែរ ក្នុងលីគកំពូលធំៗរបស់អឺរ៉ុប នៅសល់តែ ៣ក្លឹបទេដែលមិនទាន់ស្គាល់ពាក្យថាចាញ់សោះ បន្ទាប់ Dortmund បានស្គាល់ភាពបរាជ័យដំបូងរបស់ខ្លួនក្នុងរដូវកាលនេះ ពេលប្រកួតប៉ះនឹងក្លឹប Dusseldorf ដោយបានចាញ់ក្នុងលទ្ធផល ២ ទល់នឹង ១។ ក្លឹបទាំង ៣នោះមានដូចជា៖

១. ក្លឹប Liverpool៖ ក្លឹបអង់គ្លេសមួយនេះ កំពុងតែឈរនៅកំពូលតារាង Premier League ដោយពួកគេមាន ៤៥ពិន្ទុ ក្នុងនោះ ពួកគេបានឈ្នះ ១៤ដង និង ស្មើ ៣ដង នៃប្រកួតក្នុងលីគចំនួន ១៧ប្រកួត។

២. ក្លឹប Juventus៖ ក្លឹបអ៊ីតាលីមួយនេះ ក៏កំពុងឈរកំពូលតារាង Serie A ដែរ ដោយពួកគេមាន ៤៦ពិន្ទុក្នុងដៃ ហើយក្នុងប្រកួតលីគចំនួន ១៦ប្រកួតនោះ ពួកគេបាន ឈ្នះ ១៥ដង និង ស្មើ១ដង។

៣. ក្លឹប Paris Saint-Germain៖ ក្លឹបបារាំងមួយនេះ ក៏ជាក្លឹបដែលកំពុងឈរលើកំពូលតារាងដែរ។ គិតត្រឹមពេលនេះ ពួកគេបានឆ្លងកាត់ ១៦ប្រកួតហើយ ដោយបាន ឈ្នះ ១៤ដង និង ស្មើ ២ដង ហើយកំពុងមាន ៤៤ពិន្ទុក្នុងដៃ៕