ម្ចាស់ចំការស្វាយ៖ ចុងឆ្នាំនេះ យំលែងចេញដោយសារស្វាយអត់បានផល ទីផ្សារក៏ស្ងាត់
- 2018-12-24 06:45:14
- ចំនួនមតិ 0 | ចំនួនចែករំលែក 0
ម្ចាស់ចំការស្វាយ៖ ចុងឆ្នាំនេះ យំលែងចេញដោយសារស្វាយអត់បានផល ទីផ្សារក៏ស្ងាត់
ចន្លោះមិនឃើញ
ចុងឆ្នាំ២០១៨ ម្ចាស់ម្ការស្វាយនីមួយៗប្រឹងទាញយកផលឱ្យបានផ្លែ តាមរយៈការប្រើថ្នាំប៉ូវបាញ់ ២ទៅ៣ដងក្នុង១ឆ្នាំ ដូចបណ្តាឆ្នាំមុនៗ តែឆ្នាំនេះត្រូវស៊យធំ ដោយសារអាកាសធាតុប្រែប្រួល។
លោក ជុំ សារឿន ប្រធានសមាគមន៍ស្វាយកែវរមៀតគីរីរម្យ និងលោក ទុយ វរ: ប្រធានសមាគមន៍ស្វាយកែវរមៀតនៅស្រុកឪរ៉ាល់ខេត្តកំពង់ស្ពឺ បានឲ្យដឹងស្រដៀងគ្នាថា ភ្លៀងឆ្នាំនេះច្រើនពេកធ្វើឱ្យអ្នកបាញ់ថ្នាំប៉ូវឱ្យផ្កាស្វាយចេញជាក្តឹបត្រូវរង្គោះជ្រុះផ្កាធ្លាក់អស់អត់បានផ្លែទាំងអស់។
អ្នកបាញ់ថ្នាំប៉ូវខាតទាំងថ្លៃថ្នាំខាតទាំងថ្លៃពលកម្ម។នេះដោយសារការប្រែប្រួលអាកាសធាតុ។ បើអត់បានទទួលផលស្វាយម្តងនារដូវប៉ូវយកផលគឺស្មើនឹងផលស្វាយរាប់ម៉ឺនសែនតោនដែលត្រូវយកមកផ្គត់ផ្គង់ទីផ្សារ។ បើទទួលផលវិញក្នុង១ហិកតាបានលើសពី១០តោន។
ប្រភពទាំងពីរប្រាប់ទៀតថាទីផ្សារស្វាយលក់ចេញទៅប្រទេសក្រៅក៏ស្ងាត់ទៀតមិនថាវៀតណាម មិនថាចិនគឺមិនយកតែម្តង។ ឈ្មួញវៀតណាមធ្លាប់តែចូលមកម៉ៅតាមចំការ រហូតខ្ចប់ក្រដាស កក់លុយហើយក៏រត់ចោលលុយកក់រត់ចោលស្វាយដែលខ្ចប់ហើយដែរ។ មិនឃើញមកបេះស្វាយទាល់តែសោះ។ មានម្ចាស់ចំការស្វាយមួយចំនួនមានដើមស្វាយរហូតដល់៣ម៉ឺនដើមឬអ្នកខ្លះមាន១០ទៅ២០ហិកតាក៏មាន។ដូច្នេះពួកនេះនឹងអាសន្នធំពេលស្វាយអត់ហាងឆេង។ក៏ប៉ុន្តែពួកម្ចាស់ចំការធំៗមិនក្រដោយសារស្វាយអត់ហាងឆេងនោះទេ។ អ្នកដែលវេទនាជាងគេអ្នកមានចំការស្វាយតូចតាចពឹងតែផលស្វាយមួយមុខ៕