គិតអ៊ីចឹងអត់? Item បួនប្រភេទនេះ អ្នកមិនគួររំលងស្ពាយតាម ក្នុងហ្គេម PUBG

2018-12-25 13:43:49
ចំនួនមតិ 0 | ចំនួនចែករំលែក 0

ចន្លោះមិនឃើញ

PlayerUnknown's Battlegrounds (PUBG) ត្រូវបានស្គាល់ជាប្រភេទហ្គេម Battle Royale មួយប្រភេទទទួលបានភាពល្បីល្បាញរយៈពេលយូរមកហើយ។ មនុស្សរាប់លាននាក់ជុំវិញពិភពលោកកំពុងកម្សាន្តជាមួយហ្គេមបាញ់ប្រហារដ៏កក្រើកនេះ។

លក្ខខណ្ឌក្នុងការលេងអ្នកត្រូវប្រញាប់ទៅរុករកសម្ភារៈ (Item) ឲ្យបានរហ័សក្នុងគោលដៅបាញ់សម្លាប់សត្រូវ ប៉ុន្តែទំហំផ្ទុកក្នុងកាបូបស្ពាយរបស់អ្នកក៏មានកំណត់ បែបនេះអ្នកត្រូវចម្រាញ់យកតែរបស់របរដែលចាំបាច់ខ្លាំងប៉ុណ្ណោះ។ ខាងក្រោមបង្ហាញពី Item បួនប្រភេទ អ្នកមិនត្រូវភ្លេចស្ពាយតាមពេលចូលសមរភូមិ PUBG:

១.ថ្នាំពេទ្យ First Aid Kits, Med Kits និង Painkillers:

មិនថាអ្នកមានទឹកដៃល្អកម្រិតណាក្នុងការលេង PUBG ក៏ជៀសមិនផុតពីការបាញ់ប្រហាររបស់សត្រូវ។ បែបនេះថ្នាំពេទ្យសម្រាប់ស្រោចស្រង់កម្រិតឈាមមានដូចជា First Aid Kits, Med Kits និង Painkillers សុទ្ធសឹងជារបស់សំខាន់។

២.4x និង 8x Scopes:

កែវពង្រីកនៅកម្រិតទាំងពីរនេះគឺនិយមត្រូវបានគេប្រើប្រាស់ខ្លាំងបំផុត ដោយផ្អែកតាមទីតាំងឈរជើងរបស់សត្រូវអ្នកលេងខ្លះមានការដោះដូរជាញឹកញយ ផ្អែកតាមចម្ងាយឆ្ងាយជិត ប៉ុន្តែអ្នកក៏គួររើសយកទាំងពីរប្រសិនដើរជួប ជាជាងទុកឲ្យសត្រូវរើសជំនួសអ្នក។

៣.ប្រភេទគ្រាប់ 5.56 ammo:

កាំភ្លើងធុនវែងសឹងគ្រប់ប្រភេទសុទ្ធតែអាចប្រើប្រាស់ជាមួយគ្រាប់ប្រភេទ 5.56 ammo បែបនេះអ្នកក៏ត្រូវមានខ្លះជាប់ខ្លួនជារឿងល្អ ឬហេតុផលត្រូវទម្លាក់វាចោលដរាបណាលេងដល់ពាក់កណ្តាលហ្គេមហើយអ្នកមិនប្រើប្រាស់កាំភ្លើងធុនទាំងនេះក្នុងដៃ។

៤.ឧបករណ៍ជំនួយ AR និង Sniper Suppressor:

ជាឧបករណ៍ដែលកម្រនឹងរកបាន ព្រោះវាអាចជំនួយឲ្យកាំភ្លើងរបស់អ្នកមានឥទ្ធិពលខ្លាំងជាងមុន។ មិនថារាល់កាលៈទេសៈណា ទោះរើសបាន Suppressors ដល់ទៅពីរ ក៏គួរកាន់ទុកជាជាងប្រគល់ឲ្យសត្រូវនៅជុំវិញខ្លួន។