អនុវត្តរូបមន្ត ២០-២០-២០ បើមិនចង់ឲ្យភ្នែកមានបញ្ហា ពីការប្រើឧបករណ៍រាល់ថ្ងៃ

2018-12-25 03:33:05
ចំនួនមតិ 0 | ចំនួនចែករំលែក 0

ចន្លោះមិនឃើញ

សព្វថ្ងៃ មនុស្សគ្រប់គ្នារស់នៅជាមួយឧបករណ៍អេឡិចត្រូនិក មានដូចជាទូរសព្ទ កុំព្យូទ័រ ជាដើម។ ទូរសព្ទជាឧបករណ៍មានការប្រើប្រាស់ច្រើនជាងគេ ដោយសារមានភាពងាយស្រួលយកតាមខ្លួន។

កំុព្យូទ័រ ក៏ជាឧបករណ៍ចាំបាច់សម្រាប់ការប្រើប្រាស់ក្នុងការរស់នៅ និងការប្រកបការងារប្រចាំថ្ងៃ ប៉ុន្តែវាស្ថិតនៅឆ្ងាយពីការប្រើប្រាស់ជាប់ជាប្រចាំ។

ការប្រើទូទៅមានដូចជា ការផ្ញើសារ SMS ការមើលវីដេអូនានា និងអូសមើលព័ត៌មានពីបណ្ដាញសង្គម។ ប៉ុន្តែមានចំណុចមិនសូវល្អ ទាក់ទងនឹងពន្លឺពណ៌ខៀវជះពីអេក្រង់ឧបករណ៍អេឡិចត្រូនិកទាំងនោះ។ ពន្លឺពណ៌ខៀវមិនថ្វីនោះទេនៅពេលថ្ងៃ ប៉ុន្តែពេលយប់អាចផ្តល់ផលអាក្រក់ ដូចជារំខានដល់ការគេង ឬចុករោយភ្នែក។

មានវិធីមួយចំនួន គួរអនុវត្ត៖

អនុវត្តរូបមន្ត ២០-២០-២០ មានន័យថា ពេលប្រើឧបករណ៍អេឡិចត្រូនិក រាល់ពេល ២០នាទី ងាកភ្នែកចេញ រួចសម្លឹងអ្វីផ្សេងទៅទីឆ្ងាយ ២០ហ្វីត ក្នុងរយៈពេល ២០ វិនាទី។
ត្រួតពិនិត្យភ្នែកជាមួយអ្នកជំនាញ ១ ឬ ២ឆ្នាំ មួយដង។
ការពារភ្នែកពីពន្លឺពណ៌ខៀវជះពីអេក្រង់ ជាមួយវ៉ែនតា ឬកញ្ចក់ដាក់ពីលើអេក្រង់ ដែលមានសមត្ថភាពការពារពន្លឺនេះ។
ជៀសវាងការប្រើឧបករណ៍អេឡិចត្រូនិក កៀកនឹងចូលដំណេក។
ឧស្សាហ៍ព្រិចភ្នែក ដើម្បីរក្សាសំណើមដល់កែវភ្នែក៕