ទោះអាមេរិកព្យាយាមបិទផ្លូវ ក៏ Huawei នៅតែជោគជ័យលើការលក់ចេញស្មាតហ្វូនឆ្នាំនេះ

2018-12-25 12:54:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនយក្សប្រទេសចិនមិនថាតែ ZTE និង Huawei សុទ្ធសឹងទទួលផលអវិជ្ជមាននាឆ្នាំ ២០១៨ ទោះបីរងពាក្យបណ្តឹងម្តងហើយម្តងទៀតរបស់រដ្ឋាភិបាលសហរដ្ឋអាមេរិក ពោលគឺចង់បិទផ្លូវមិនចង់ឲ្យមានស្មាតហ្វូនចិនចរាចរក្នុងប្រទេសមហាអំណាចបច្ចេកវិទ្យានេះ។

ឆ្លើយតបមកវិញក្រុមហ៊ុន Huawei នៅតែសម្រេចបានតាមគោលដៅដូចកំណត់កាលពីខែសីហា ដោយសរុបតួលេខលក់ចេញស្មាតហ្វូនក្នុងឆ្នាំ ២០១៨ បានដល់ទៅ ២០០ លានគ្រឿង មានការកើនឡើងច្រើនធៀបនឹងតួលេខ ១៥៣ លានគ្រឿងនាឆ្នាំចាស់។

ជោគជ័យដ៏ធំធេងគឺការទទួលបានពីផ្នែកនៃត្រកូល P20 និង Mate 20 Series ស្ទុះវ៉ៃចេញបាន ១៦ លាននិង ៥ លានគ្រឿង ជាមួយធុនកណ្តាលលក់បានដល់ ៦៥ លានគ្រឿង គួបតួលេខបន្ទាប់បន្សំនៃ Honor 10 និង Honor View 10 ច្រើនគ្រឿងទៀត។

លោក Richard Yu ធ្លាប់បញ្ជាក់ម្តងរួចមកហើយពីផែនការផ្តួល Samsung ឲ្យបានសម្រេចត្រឹម ឆ្នាំ ២០២០។

សម្លឹងមើលស្ថានភាពទៅថ្ងៃមុខ Huawei អាចនឹងពិបាកក្នុងការប្រលូកនៅទីផ្សារសហរដ្ឋអាមេរិក ប៉ុន្តែដំណោះស្រាយបែបណានោះក៏ស្ថិតក្រោមការឃ្លាំមើល តែជាសារវិជ្ជមានសម្រាប់ពលរដ្ឋនិងស្ថាប័នជាច្រើនក្នុងប្រទេសចិនបាននឹងកំពុងជំរុញយ៉ាងខ្លាំងឲ្យម្នាក់ៗប្រើផលិតផល Huawei ជាជាងរើសយកស្លាកយីហោ Apple បើពុំដូច្នោះទេ នឹងឈានដល់ការបញ្ឈប់ពីការងារទៀតក៏មាន។