កម្មវិធី​មួយ​របស់​ស្នាដៃ​អ្នក​ឌីហ្សាញ​ខ្មែរ ទទួល​ស្គាល់​ដោយ​វិទ្យាស្ថាន​ជប៉ុន

  • 2018-12-26 07:05:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ

​កម្មវិធី​សម្រាប់​ការ​អប់រំ​កុមារ​មួយ​មាន​ឈ្មោះ​ថា "រឿង​និទាន​តា​ឥសី ឬ Ey sey Storytime” ត្រូវ​បាន​វិទ្យាស្ថាន​ជប៉ុន​មួយ​ឈ្មោះ​ថា “The Japan Institute of Design Promotion” ប្រគល់​វិញ្ញាបនបត្រ​ទទួល​ស្គាល់​គុណភាព​ជា​ស្ដង់ដា ថា​ជា​កម្មវិធី​ដែល​ល្អ​សម្រាប់​កុមារ​ប្រចាំ​ឆ្នាំ ២០១៨។

​លោក អៀ អ៊ុយ​ ជា​ស្ថាបនិក Osja Studio ​បាន​ឲ្យ​ដឹង​ថា កម្មវិធី​រឿង​និទាន​តា​ឥសី មាន​លក្ខណៈ​ជា​បណ្ណាល័យ​សៀវ​ភៅ​រឿង​និទាន​បែប​អប់រំ​ខ្លីៗ​សម្រាប់​កុមារ ព្រម​ទាំង​ការ​រចនា​រូប​ភាព​និង​ខ្លឹមសារ​មាន​យ៉ាង​លម្អិត ​ដែល​មាន​ជាង ​៥០ រឿង​នៅ​ក្នុង​នោះ ថែម​ទាំង​មាន​ការ​អាប់ដែត​ជា​ប្រចាំ​ផង​ដែរ។

លោកអៀ អ៊ុយ និងក្រុមអ្នកឌីហ្សាញហ្គេមខ្មែរ

​លោក​បន្ត​ថា កម្មវិធី​នេះ​ ទើប​នឹង​ត្រូវ​បាន​វិទ្យាស្ថាន​ជំនាញ​ផ្នែក​រចនា​របស់​ជប៉ុន ​ទទួល​ស្គាល់​គុណភាព​​និង​ប្រគល់​ជូន​វិញ្ញាបនបត្រ​ ​កាល​ពី​ពេល​ថ្មីៗ​នេះ។

The Japan Institute of Design Promotion” ជា​វិទ្យាស្ថាន​វាយ​តម្លៃ គុណភាព​កម្មវិធីនីមួយៗ ព្រម​​ទាំង​មាន​ការ​ប្រគល់​ Awards ជូន​តាម​លំដាប់​ជា​ច្រើន​ដូចជា Good Design Gold Award, Good Design Grand Award, Good Focus Award [New Business Design], Good Design Long Life Design Award ជាដើម​៕

​ចង់​ដឹង​ច្បាស់​ចុច​ដោនឡូត​នៅ​ទីនេះ Play store | App Store

អាន​បន្ត៖

អត្ថបទ៖ រក្សា

អត្ថបទពេញនិយម