Pep៖ Liverpool គឺជាក្រុមល្អបំផុតក្នុងពិភពលោកនាពេលបច្ចុប្បន្ន
- 2018-12-31 02:13:42
- ចំនួនមតិ 0 | ចំនួនចែករំលែក 0
Pep៖ Liverpool គឺជាក្រុមល្អបំផុតក្នុងពិភពលោកនាពេលបច្ចុប្បន្ន
ចន្លោះមិនឃើញ
Pep Guardiola បាននិយាយថា Manchester City ត្រូវតែទទួលស្គាល់ការពិតថាគូប្រជែង Liverpool គឺជាក្រុម "ល្អបំផុត" នៅលើពិភពលោកនាពេលបច្ចុប្បន្ននេះ។
City ដែលជាក្រុមការពារតំណែងជើងឯកចាស់ បានយកឈ្នះ Southampton ៣ទល់នឹង១កាលពីយប់មិញហើយបន្ថយគម្លាតពី១០ មកត្រឹម៧ពិន្ទុក្រោម Liverpool វិញ។ Pep បានប្រាប់ក្រោយចប់ការប្រកួតនោះថា ការឈ្នះជើងឯករដូវកាលនេះគឺជារឿងដ៏តានតឹងដោយសារក្រុមជាច្រើននៅ Premier League កំពុងឡើងជើង។
“បញ្ហានៅត្រង់ក្រុមនៅជាច្រើន លេងបានយ៉ាងល្អ ហើយ Liverpool ប្រហែលជាក្រុមដែលល្អបំផុតនាពេលបច្ចុប្បន្នទាំងនៅអឺរ៉ុប និងពិភពលោក។ ពួកគេកំពុងឡើងជើងខ្លាំងណាស់"។ អ្នកចាត់ការសញ្ជាតិអេស្ប៉ាញប្រាប់ដូច្នេះ។
ខណៈ City រងបរាជ័យទល់ Chelsea, Crystal Palace និង Leicester ក្នុងខែធ្នូ ក្រុម Liverpool ឯណោះវិញបានឈ្នះទាំង៧ប្រកួតនៅក្នុងខែនេះ ពិសេសគឺប្រកួតចុងក្រោយនៅឆ្នាំ២០១៨ ពួកគេបានយកឈ្នះ Arsenal រហូត៥ទល់នឹង១៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
