មើល Lamborghini Urus បើក Drift លេងលើវាលខ្សាច់ អស្ចារ្យយ៉ាងណាដែរ? (វីដេអូ)

  • 2019-01-02 04:02:17
  • ចំនួនមតិ 0 | ចំនួនចែករំលែក 4

ចន្លោះមិនឃើញ

តាំង​តែ​ពី Lamborghini បាន​បញ្ចេញ​រថយន្ត​ស្ព័រ​តួ​ខ្ពស់​ប្រភេទ SUV នា​ចុង​ឆ្នាំ ២០១៨ Lamborghini Urus មក អ្នក​ស្រឡាញ់​រថយន្ត​កំពូល​ល្បឿន​ជា​ច្រើន​នៅ​លើ​លោក បាន​ងាក​ចិត្ត​មក​មើល​លើ​រថយន្ត​ស្ព័រ​ប្រភេទ​តួ​ខ្ពស់​មួយ​នេះ​វិញ សូម្បី​នៅ​ក្នុង​ប្រទេស​កម្ពុជា​យើង​​ ក៏​មាន Lamborghini Urus នេះដែរ។

ថ្មី​ៗ​នេះ នៅ​ទី​ក្រុង DUBAI ប្រទេស​អារ៉ាប់​រួម ដែល​ជា​ទីក្រុង​សម្បូរ​ដោយ​មហាសេដ្ឋី​រស់​នៅ ហើយ​មាន​រថយន្ត​ស្ព័រ​ដ៏​ច្រើន​សន្ធឹក​ទៀត​នោះ មាន​អ្នក​បើក​បរ​មួយ​ក្រុម​បាន​យក្ស​រថយន្ត​ស្ព័រ SUV របស់​ក្រុមហ៊ុន​គោ​អ៊ីតាលី​មួយ​នេះ ទៅ​បើក Drift នៅ​លើ​វាល​ខ្សាច់​ដើម្បី​តេស្ត​សមត្ថភាព​បើក​បរ​របស់​វា។

តាម​រយៈ​វីដេអូ ដែល​គេ​បង្ហោះ​នៅ​លើ Instagram ​ឃើញ​ថា Lamborghini Urus អាច​បើកបរ​បាន​យ៉ាង​មាន​ប្រសិទ្ធភាព​នៅ​លើ​វាលខ្សាច់ ទោះ​បី​វា​ជា​ប្រភេទ​រថយន្ត​ស្ព័រ​ក៏​ដោយ​ចុះ។ ជា​ការ​ពិត​ណាស់ ការ​បើក​បរ​បាន​ដោយ​រលូន​បែប​នេះ គឺ​ដោយ​សារ​តែ​ Lamboghini Urus មាន​បំពាក់​ជាមួយ​នឹង​បច្ចេកវិទ្យា​បើកបរ​តាម​ស្ថានភាព​ផ្លូវ ដោយ​ក្នុង Mode ទាំង ៣ ដែល​ធ្លាប់​តែ​ឃើញ​លើ រថយន្ត​ស្ព័រ Lamborghini នោះ (Strada, Sport និង Corsa) Lamborghini Urus មាន Mode មួយ​ ដែល​មាន​ឈ្មោះ​ថា Sabbia ដែល​មាន​ន័យ​ថា "ខ្សាច់" ជា​ប៊ូតុង​សម្រាប់​ឲ្យ​រថយន្ត​ស្ព័រ​តួ​ខ្ពស់​មួយ​នេះ អាច​សម្រប​ខ្លួន​ទៅ​នឹង​ស្ថានភាព​ផ្លូវ​ដែល​មាន​ខ្សាច់​ច្រើន ឬ​វាលខ្សាច់​បាន​យ៉ាង​រលូន។

បន្ថែម​ពី​លើ Mode ទាំង ៤ ខាងលើ Lamborghini Urus ក៏​មាន Mode ចំនួន ២ ទៀត​ដែរ​គឺ Terra ដែល​មាន​ន័យ​ថា ដី និង Neve ដែល​មាន​ន័យ​ថា​ ព្រិល។ បើ​តាម​បច្ចេកវិទ្យា​សម្រប​តាម​ស្ថានភាព​ផ្លូវ​ដែល Lamborghini បាន​ដាក់​មក​ជាមួយ Urus នេះ វា​ធ្វើ​ឲ្យ​រថយន្ត​ស្ព័រ​មួយ​នេះ​មាន​សមត្ថភាព​មិន​ចាញ់​រថយន្ត 4x4 សម្រាប់ Offroad ប៉ុន្មាន​ទេ។

ចុចអាន៖


ប្រភព៖ carscoops   ប្រែ​សម្រួល៖ ផាត សុវត្ថិ