អ្នកកំពង់សោមត្រៀមខ្លួនហើយនៅ Tiger Street Football Festival 2019 ចាប់ផ្តើមស្អែក

2019-01-03 23:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បើកទំព័រប្រវត្តិពានរង្វាន់បាល់ទាត់បំផុតនៅកម្ពុជា Tiger Street Football Festival 2019 មណ្ឌលខេត្តព្រះសីហនុចាប់ផ្តើមមុនគេដែលត្រូវប្រកួតថ្ងៃសៅរ៍ អាទិត្យ ទី៥-៦ ខែមករានឹងប្រជុំដោយក្រុមជើងខ្លាំងជាច្រើនដើម្បីដណ្តើមកៅអីមកជុំផ្តាច់ព្រ័ត្រនៅភ្នំពេញ។

សកម្មភាពប្រកួតកាលពីឆ្នាំ២០១៨

តាមសេចក្តីប្រកាសរបស់គណៈកម្មការរៀបចំការប្រកួតបង្ហាញថា សម្រាប់ឆ្នាំ២០១៩នៅមណ្ឌលខេត្តព្រះសីហនុនេះ ក្រុមដែលមានសិទ្ធិចុះឈ្មោះចូលប្រកួតគឺក្រុមនៅខេត្តព្រះសីហនុ ខេត្តកំពត តាកែវ និងខេត្តកោះកុង។ តាមការកំណត់នឹងទទួលយកក្រុមចុះឈ្មោះចូលរួមប្រកួតចំនួន៦៤ ហើយនឹងជ្រើសរើសយកចំនួន៦ក្រុមដើម្បីឡើងមកប្រកួតជុំផ្តាច់ព្រ័ត្រទូទាំងប្រទេសនៅរាជធានីភ្នំពេញ។

សកម្មភាពប្រកួតកាលពីឆ្នាំ២០១៨

នៅមណ្ឌលខេត្តព្រះសីហនុនេះ ក្រុមចំណាត់ថ្នាក់លេខ១ទទួលបានប្រាក់រង្វាន់ ១ ៥០០ដុល្លារ ក្រុមលេខ២បាន ១ ០០០ដុល្លារ ក្រុមលេខ៣បាន ៥០០ដុល្លារ និងក្រុមលេខ៤បាន២០០ដុល្លារ។ ក្រុមទាំង៤ និងក្រុមចំណាត់ថ្នាក់លេខ៥ និងលេខ៦ដែលសរុបទាំងអស់៦នឹងឡើងមកប្រកួតជុំផ្តាច់ព្រ័ត្រទូទាំងប្រទេសដើម្បីប្រជែងជើងឯកដែលមានប្រាក់រង្វាន់ច្រើនបំផុត។

សកម្មភាពសម្តែងកាលពីឆ្នាំ

នៅចាំបានថា កាលពីឆ្នាំ២០១៨កន្លងទៅនេះក្រុម Hurricane A បានក្លាយជាជើងឯកប្រចាំមណ្ឌលខេត្តព្រះសីហនុ បន្ទាប់ពីយកឈ្នះក្រុមចំណាត់ថ្នាក់លេខ ស្នងការដ្ឋាននគរបាលខេត្តព្រះសីហនុ A ក្នុងលទ្ធផល ១-០។ ក្រុម Nazora Sport Club បានលេខ៣ ហើយក្រុម យុវជនកំពង់ផែ A បានលេខ៤ ខណៈលេខ៥បានទៅក្រុម Sihanouk ville និងលេខ៦បានទៅក្រុមយុវជនកំពង់ផែ B។

សកម្មភាពសម្តែងកាលពីឆ្នាំ

ចាំមើលក្រុម Hurricane A អាចការពារតំណែងជើងឯកឆ្នាំចាស់របស់ខ្លួនសម្រេចទេ? ឬមួយក្រុមផ្សេងជាអ្នកឡើងមកគ្រងអធិរាជប្រចាំមណ្ឌលខេត្តព្រះសីហនុម្តង?

រឹតតែអស្ចារ្យសម្រាប់អ្នកគាំទ្រទៀតនោះ នារាត្រីចុងសប្តាហ៍នេះ បន្ទាប់ពីការប្រកួតចប់ក៏នឹងមានការប្រគំតន្ត្រីដែលសម្តែងដោយកំពូលតារាចម្រៀងល្បីជាច្រើនរូប។ បងប្អូនត្រៀមខ្លួនរួចហើយនៅ? កុំភ្លេចណា! ចូលគាំទ្រលើកទឹកចិត្តដល់ក្រុមរបស់ខ្លួនទាំងអស់គ្នា!

ការសម្តែងសិល្បៈលើឆាកកាលពីឆ្នាំមុន

ប្រាក់រង្វាន់ ក្រុមជយលាភីប្រចាំមណ្ឌល ព្រះសីហនុ កំពង់ចាម សៀមរាប បាត់ដំបង និងភ្នំពេញ ក្រុមលេខ១៖ ១ ៥០០ ដុល្លារអាមេរិក ក្រុមលេខ២៖ ១ ០០០ ដុល្លារអាមេរិក ក្រុមលេខ៣៖ ៥០០ ដុល្លារអាមេរិក ក្រុមលេខ៤៖ ២០០ ដុល្លារអាមេរិក ក្រុមជយលាភីប្រចាំមណ្ឌល តាកែវ កំពង់ស្ពឺ កណ្ដាល និងក្រុងប៉ោយប៉ែត ក្រុមលេខ១៖ ១ ០០០ ដុល្លារអាមេរិក ក្រុមលេខ២៖ ៧០០ ដុល្លារអាមេរិក ក្រុមលេខ៣៖ ៣៥០ ដុល្លារអាមេរិក ក្រុមលេខ៤៖ ១៥០ ដុល្លារអាមេរិក ក្រុមជយលាភីទូទាំងប្រទេស ក្រុមលេខ១៖ ១ ៥០០០ ដុល្លារអាមេរិក ក្រុមលេខ២៖ ៥ ០០០ ដុល្លារអាមេរិក ក្រុមលេខ៣៖ ២ ៥០០ ដុល្លារអាមេរិក ក្រុមលេខ៤៖ ១ ០០០ ដុល្លារអាមេរិក