Kane ចង់ឃើញ Man City ឈ្នះ Liverpool ក្នុងប្រកួតយប់នេះ
- 2019-01-03 12:09:29
- ចំនួនមតិ 0 | ចំនួនចែករំលែក 0
Kane ចង់ឃើញ Man City ឈ្នះ Liverpool ក្នុងប្រកួតយប់នេះ
ចន្លោះមិនឃើញ
ខ្សែប្រយុទ្ធក្លឹប Tottenham Hotspur កីឡាករ Harry Kane បានសារភាពថា ខ្លួន និង ក្លឹបរបស់ខ្លួនចង់ឃើញក្លឹប Manchester City ឈ្នះប្រកួតប៉ះនឹងក្លឹបកំពូលតារាង Liverpool ក្នុងប្រកួតសប្ដាហ៍ទី ២១នេះ។
ខ្សែប្រយុទ្ធអង់គ្លេសរូបនេះបានលើកឡើងថា៖ " យើងចង់ឃើញក្លឹប Manchester City ឈ្នះ Liverpool ដើម្បីកាត់បន្ថយគម្លាតពិន្ទុក្នុង Premier League តែយើងមិនអាចគ្រប់គ្រងរឿងនេះបានទេ។ អ្វីដែលយើងអាចធ្វើគឺ ខិតខំប្រឹងប្រែងដោយខ្លួនឯងដើម្បីលេងឲ្យឈ្នះ។ ប្រមាណឆ្នាំចុងក្រោយនេះ យើងបានឈរលេខ ២ ដោយនៅពីក្រោមក្លឹប Leicester (រដូវកាល ២០១៥/១៦) និង ក្លឹប Chelsea (រដូវកាល ២០១៦/១៧) '' ។
កីឡាកររូបនេះបានបន្តថា៖ " យើងនឹងដឹងពីលទ្ធផលក្នុងប្រកួតរវាង Liverpool និង Manchester City។ យើងមិនអាចគិតច្រើនពេកទេចំពោះក្រុមផ្សេង '' ។
ខ្សែប្រយុទ្ធក្រុមជម្រើសជាតិអង់គ្លេសមួយនេះ កំពុងតែឈរក្នុងតំណែងជា Top Scorer ជាមួយនឹងខ្សែប្រយុទ្ធ Arsenal កីឡាករ Pierre Emerick Aubameyang គិតត្រឹមពេលបច្ចុប្បន្នក្នុងរដូវកាល ២០១៨/១៩ ដោយពួកគេបានស៊ុតចូល ១៤គ្រាប់។
ក្លឹប Tottenham Hotspur កំពុងតែឈរលើចំណាត់ថ្នាក់លេខ ២ ដោយមាន ៤៨ពិន្ទុ ខណៈក្លឹប Liverpool ដែលកំពុងឈរលេខ ១ មាន ៥៤ពិន្ទុ ហើយក្លឹប Manchester City ឈរលេខ ៣ មាន ៤៧ពិន្ទុ៕