ឈុំ អានីតា តារាចម្រៀងខ្មែរអាណិកជនអាមេរិកទើបបញ្ចេញបទថ្មី "តាមចិត្តខឹង" ពីរោះរណ្ដំ
- 2019-01-06 04:00:00
- ចំនួនមតិ 0 | ចំនួនចែករំលែក 0
ឈុំ អានីតា តារាចម្រៀងខ្មែរអាណិកជនអាមេរិកទើបបញ្ចេញបទថ្មី "តាមចិត្តខឹង" ពីរោះរណ្ដំ
ចន្លោះមិនឃើញ
ឈុំ អានីតា ជាតារាចម្រៀងថ្មីមួយរូប ដែលជាអាណិកជនខ្មែររស់នៅទីក្រុង Memphis រដ្ឋ Tennessee សហរដ្ឋអាមេរិក។ មិនខុសពីតារាៗដែលរស់នៅប្រទេសមហាអំណាចនោះ ដូចជា Soup Pha និង Badassvon ជាដើម អានីតា គឺជាតារាម្នាក់ដែលចូលចិត្តច្រៀងតាំងពីវ័យក្មេងរហូតសម្រេចចិត្តបង្ហាញខ្លួនជាអ្នកចម្រៀងតែម្ដង។
ថ្លែងមកកាន់សប្បាយ អានីតា បញ្ជាក់ថាខ្លួនសកម្មខ្លាំងក្នុងការច្រៀងអស់រយៈពេល ៣ឆ្នាំមកហើយ ។ មូលហេតុចម្បងមួយ ដែលធ្វើឲ្យនាងចូលចិត្តវិស័យនេះគឺដោយសារតែ ម្ដាយខ្លួនធ្លាប់ជាអ្នកច្រៀងនៅក្នុងកម្មវិធីការផ្សេងៗកាលពីទសវត្សទី៦០និង៧០។ ចំពោះស្ទីលបទចម្រៀងដែល អានីតា ចូលចិត្តគឺបទចម្រៀងខ្មែរចំណាស់ៗ ដោយកញ្ញាគិតថាវាមានចង្វាក់និងបទភ្លេងពីរោះដែលក្មេងៗជំនាន់ថ្មី ជាពិសេសអ្នកដែលរស់នៅសហរដ្ឋអាមេរិកតែម្ដងចាប់អារម្មណ៍ពីតន្ត្រីខ្មែរឡើងវិញ។
ថ្មីៗនេះ អានីតា ទើបតែបញ្ចេញវីដេអូបទចម្រៀងថ្មី "តាមចិត្តខឹង" ដែលជាបទយកលំនាំតាមទំនុកច្រៀងចាស់ ប៉ុន្តែក៏នឹងមានបទចម្រៀងថ្មីៗបន្តបន្ទាប់ទៀតផងដែរ។
តោះ! អីចឹងមកទស្សនាវីដេអូបទចម្រៀងនេះទាំងអស់គ្នា៖