សញ្ញា ៦ យ៉ាងបញ្ជាក់ថាអាគុយរថយន្តដល់ពេលប្ដូរចេញហើយ!

2019-01-08 04:58:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រប់អាគុយទាំងអស់របស់រថយន្តតែងមានអាយុកាលកំណត់ជាក់លាក់ ដូច្នេះបើអ្នកប្រើប្រាស់មិនបានចាប់អារម្មណ៍នោះទេ ច្បាស់ជាមានបញ្ហាពេលបើកបរជាមិនខាន។

រូបតំណាង

លោក ជាង អូន ជាម្ចាស់យានដ្ឋានជួសជុលរថយន្តដោយប្រើប្រពន្ធ័កុំព្យូទ័រនៅម្តុំទួលគោក បានប្រាប់ពីសញ្ញាណ ៦ចំណុចដែលអ្នកប្រើប្រាស់រថយន្តអាចពិនិត្យមើលដោយខ្លួនឯង ដើម្បីដឹងពីស្ថានភាពអាគុយដែលដល់ពេលវេលាគួរប្តូរចេញ។

ពេលបញ្ឆេះម៉ាស៊ីនរថយន្តម្តងៗ លឺសម្លេង ឆឹកៗ ច្រើនដង ឬអាចមិនឆេះតែម្តង
ពេលខ្លះភ្លើង Check ឬ ភ្លើងរូបអាគុយ លោតឡើងនៅក្នុងតាបឡូរថយន្ត
ទ្រនិចនាឡិកានៅក្នុងរថយន្តមានពន្លឺព្រាលៗ ពុំសូវច្បាស់ ឬ ដើរខុស
ស្នាមលេចទឹកអាស៊ីដនៅលើអាគុយ (ឡើងកំណកអាស៊ីដ)
សម្លេងតេឡេរថយន្ត (key remote control) ពុំសូវលឺខ្លាំងនៅពេលបើក ឬ បិទ (Lock/Unlock)
កម្រិតទឹកក្នុងអាគុយស្រក (បើប្រិយមិត្តប្រើប្រភេទអាគុយទឹក)។

បញ្ជាក់៖ នៅពេលរថយន្តចេញភ្លើងសញ្ញា អាគុយ មិនមែនមានន័យថា ខូចអាគុយនោះទេ ប៉ុន្តែវាជាសញ្ញាប្រាប់ថា ប្រព័ន្ធសាក ឬ ឌីណាម៉ូលែងដំណើរការ ហើយលោកអ្នកត្រូវប្រញាប់ប្តូរវាចេញជាបន្ទាន់ ពីព្រោះថាមពលបំរុង (RC) មិនអាចផ្គត់ផ្គង់ថាមពលបានយូរទេ ម្យ៉ាងទៀតប្រសិនប្រិយមិត្តនៅបន្តការបើកបរ នោះវានិងធ្វើឲ្យខូចប្រព័ន្ធភ្លើងរថយន្ត។

តើរថយន្តប្រិយមិត្តជួបបញ្ហាទាំង ៦នេះដែរទេ? បើជួបហើយ រួសរាន់ឡើង!

អានបន្ត៖

អត្ថបទ៖ រក្សា