មិនធម្មតា! រៀបការមិនទាន់បាន១ខែផង ញ៉ែម សុគន្ធប្រកាសភរិយាកំពុងពពោះកូនដំបូងស្រេច

2019-01-08 09:49:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជាមុនរៀបការលោក ញ៉ែម សុគន្ធ ពើបប្រទះនូវរឿងអាស្រូវមិនល្អខ្លះៗក៏ពិតមែន តែពិធីរៀបការរបស់លោកប្រព្រឹត្តិឡើងដោយរលូនគ្មានការរំខានណាមួយឡើយ ដោយមានការចូលរួមពីសំណាក់មិត្តភក្តិក្នុង និង ក្រៅសិល្បៈជាច្រើនកាលពីចុងឆ្នាំ ២០១៨ កន្លងទៅ។ ដោយឡែកពេលនេះដែរ ញ៉ែម សុគន្ធ ក៏ទទួលបានដំណឹងល្អពីភរិយាកំពុងមានផ្ទៃពោះ ហើយខ្លួនក៏ត្រៀមក្លាយជាឪពុកគេនៅក្នុងពេលឆាប់ៗនេះដែរ។

បើគិតពីការរៀបការបានប្រមាណជាងមួយខែប៉ុណ្ណោះតារាសម្តែងចង្កាព្រែករូបនេះ បានសម្តែងអារម្មណ៍សប្បាយរីករាយពេលទទួលបានដំណឹងល្អពីភរិយាកំពុងពរពោះកូនដំបូង។ នេះជាចំណងដៃរវាងលោក និងភរិយាដែលទើបនឹងរៀបការបានថ្មីថ្មោងផងដែរ ត្បិតពិតជាមានរយៈពេលលឿនក៏ដោយ។

ក្រៅពីបង្ហាញភាពសប្បាយរីករាយតារាសម្តែងសម្បុរស្រអែមរូបនេះ កាន់តែបង្ហាញក្តីស្រឡាញ់ និងការយកចិត្តទុកដាក់ ចំពោះភរិយាខ្លាំងជាងមុនទៅទៀត ដោយលោកបានទៅទិញទឹកដោះគោសម្រាប់ស្ត្រីមានផ្ទៃពោះ ដើម្បីថែបំប៉នសុខភាពភរិយា និង ទារកក្នុងក្នុងផ្ទៃផងដែរ ពិសេសលោកបានបញ្ជាក់លើបណ្តាញសង្គមរបស់ លោកថា លោកស្រឡាញ់គ្រួសារតូចរបស់លោក ជាពិសេសភរិយារបស់លោក។ តារាសម្ដែងរូបនេះ ពិតជាអរគុណជាពិសេសដែលបានជូនកាដូដ៏មានតម្លៃសម្រាប់រូបលោកហើយលោកក៏មិនបានបញ្ជាក់ថាលោកចង់បានកូនស្រី ឬប្រុសដែរ៕